一講到英國，唔少人會諗起王室，大笨鐘、大英博物館等歷史古蹟之外，就不得不提倫敦地鐵（London Underground）！倫敦地鐵自1863年開始營運，至今已超過150年，因為歷史悠久嘅關係，老舊髒亂嘅環境係唔少觀光客對佢嘅深刻印象。然而，最近一輯超夢幻嘅地鐵車廂相片喺網上瘋傳，車廂內部裝潢用上極夢幻嘅少女粉紅同薄荷粉綠，最令人驚訝嘅係佢竟然係英國倫敦嘅地鐵車廂！
其實呢個洋溢住少女氣息嘅車廂係倫敦設計節London Design Festival 2019嘅展品「Underground Vol.II」，係由布料設計公司Kirkby Design同英國倫敦交通局Transport for London合作嘅設計品嚟，儘管係非正式行駛嘅車廂，但內部嘅設計同裝潢卻仍然做到一絲不苟！
知名紡織設計品牌Kirkby Design近期與倫敦交通局合作，替倫敦地鐵車廂換上新裝。列車係嚟自1967 Stock（維多利亞線）款式，Kirkby Design卻將其內外裝潢換上一系列夢幻糖果色，並保有倫敦地鐵嘅標誌性天鵝絨設計，重現懷舊復古風光！
據品牌總監喬丹・摩爾（Jordan Mould）稱，Kirkby Design改變咗呢架列車嘅所有嘢。佢接受媒體Dezeen訪問嘅時候話「我哋希望呢個係一個身臨其境嘅體驗，所以考慮到每一個細節。」
設計團隊將塑料握柄變成金色嘅黃銅箍，低調而奢華，而室內裝飾工人同木匠則利用七種天鵝絨系列為車廂裝飾，每個設計都以倫敦運輸博物館嘅維多利亞線原本印刷圖為設計藍圖。
「我哋選擇天鵝絨係因為佢嘅質量同維多利亞線嘅羊毛絨最相似。倫敦地鐵長期使用嘅Mouqettes係非常堅韌嘅面料，對於內飾嚟講太粗糙。」「天鵝絨似乎係一種更具觸覺嘅選擇，同時又達到與羊毛絨相似嘅效果。」
頭等艙隱藏於落地藍色布幔後，同樣用天鵝絨裝飾，頭等艙則使用藍綠色同珊瑚色作為主色調。地下鋪設毛絨地毯，並喺木枱上鋪上黃銅裝飾燈，營造出濃濃的復古奢華感。設計公司甚至連公用電話同餐具都一併更換，整體宛如進入時光隧道，重回1960年代風格！
其實呢次係Kirkby Design同Transport for London嘅第二次合作，由於第一次合作取得空前成功，故雙方決定再次為London Design Festival合作。相信呢架糖果色系嘅車廂係唔少人夢寐以求嘅地鐵！可惜只係藝術品，如果係真正行駛嘅列車，相信必定成為大家去倫敦嘅打卡位！
地鐵嘅大翻修令整體感覺好似換咗一個車廂，令人忍人唔住想一探究竟，最後一齊嚟睇下設計師改造過程嘅影片啦！