與何雁詩拍拖2周年　鄭俊弘未諗慶祝活動

歌手鄭俊弘（Fred）出席電台戶外活動，他稱現正籌備新歌錄音，前晚則上郵輪演唱，早上才返港。問到船上演唱可有暈船浪？他謂：「因為喺船尾唱，啲浪好似跟住拍子咁拋拋下幾有feel，反而今朝落船返回陸地就有飄飄下嘅感覺。（有冇諗住同家人坐郵輪旅行？）阿媽啱啱先去完歐洲，細個時跟阿媽坐郵輪去厦門，發現厦門係冇厦門炒米嘅。」

講到和女友何雁詩拍拖2周年如何慶祝？他謂：「未諗，不過我哋都鍾意主題公園，想去加勒比海嗰邊。（咁Sweet應該留喺度蜜月去？）又唔需要，主題公園anytime去都得。（你好有童真？）因細細個就睇佢哋啲動畫，已經去過日本、美國、香港，都好想去晒世界各地嘅主題公園，就算一個人去都可以去架。」

東網網站 : https://on.cc/

東網Facebook專頁 : https://www.facebook.com/onccnews/