馬爾代夫一向都係渡假勝地，呢個海島國家嘅美景吸引唔少人去度蜜月，馬爾代夫唔同小島都有唔同嘅魅力，今日小編就介紹其中一個小島—Vaadhoo島。
Vaadhoo島最出名嘅地方就係佢閃閃發光嘅海灘。呢個海灘一到夜晚就會散發住藍色螢光，好似天上嘅星空一樣。
廣告（請繼續閱讀本文）
呢個美景係緣於海中嘅浮游生物，一般生存喺較溫暖嘅海域，佢哋嘅細胞入面有螢光素，受到海浪拍打就會發出幽幽嘅藍色光芒，就好似一粒粒藍寶石散落喺海灘上面咁。
當地人稱之為「藍沙」（Blue Sand），又或者係「藍眼淚」。
只要受到外力刺激，浮游生物就會發出藍色螢光，所以將岸上嘅石頭拋入大海就會水面彈起湛藍色嘅水花，踩上海浪沖刷過嘅沙上面仲會留底一串藍色腳印。
廣告（請繼續閱讀本文）
喺藍眼淚海灘上面散步就好似漫步喺星空之上咁，超夢幻！
成個Vaadhoo島雖然唔大，但可以玩嘅地方都有唔少，除咗夜晚漫步藍色沙灘之外，朝早可以潛水，同海洋生物近距離接觸。
廣告（請繼續閱讀本文）
Vaadhoo島同其他馬爾代夫小島一樣，水清沙幼，望住水天一色嘅靚景，真係咩煩惱都無晒！
如果唔知去馬爾代夫邊個小島玩嘅話，不妨去Vaadhoo島，日頭、夜晚都各有魅力，絕對係渡假嘅好地方！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）