2015年韓國爆發中東呼吸綜合症(MERS)，約半年間共約186人確診，38人死亡，香港亦曾向韓國發出紅色旅遊警示。3年後韓國境內再出現確診MERS個案，準備遊韓或將由韓國返港嘅朋友，真係要加倍小心啊！
最近有一名61歲男子喺9月7號從科威特經阿聯酋返韓國，途中因腹瀉前往醫院作檢查，隨即被確診感染MERS冠狀病毒。該名患者到達仁川機場後，已被立即送往首爾大醫院接受隔離治療。
韓國當局亦隨即隔離曾與患者接觸人士，包括機上鄰近乘客、醫務人員、家屬、檢疫官員等，合共21人。
韓國疾病管理本部亦於9月9號，將MERS疫情預警級別由最低嘅第4級「關心」，調升至第3級「注意」，表示疫情已流入韓國境內，並於本部開設中央防疫對策本部。
不過相比2015年MERS爆發，目前感染人數較少，並已找到患者作隔離治療，相信規模絕對比3年前細，因此近期要到韓人士都唔洗過分擔心！
但大家如要到韓國公幹或旅遊，記得都要注意個人健康同衞生啊！大家記得記底以下幾招預防方法，只要做足預防，就唔洗過分擔心啦！
1. 到人多地方或必要時，應戴上口罩
2. 保持雙手清潔，尤其觸摸口、鼻或眼前，觸摸扶手或門把等公共設施後，應用梘液洗手
3. MERS可經由動物(尤其駱駝)傳染，因此避免到農場、農莊等地，觸摸動物後亦要記得消毒
4. 注意食物安全及衞生，避免進食未熟透之動物製食品，如肉類及奶類
5. 打噴嚏或咳嗽時應用紙巾掩蓋口鼻，不要隨地拋垃圾
如返港後有以下病徵，記得盡早求醫，以免令病情嚴重啊！
1. 發燒、咳嗽、呼吸急促及困難
2. 出現肺炎或腎臟衰竭等嚴重併發症
3. 部分患者或會出現腹瀉、噁心及嘔吐
4. 免疫力較弱患者，或會出現非典型病徵
最近會遊韓嘅大家，記得留意有關韓國疾病管理本部嘅資訊，帶定口罩、衞生及消毒用品，到韓國時都要多加小心為上啊！
圖片來源：Shutterstock
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）