鄭伊健一連九場紅館個唱《HERE & NOW鄭伊健演唱會2022》昨晚（27日）作尾場演出，馮德倫、舒淇、劉偉強、釗峰、錢嘉樂、湯盈盈及馮允謙等都有前來捧場。伊健全晚帶來多首快歌，跳舞更跳到身水身汗，看到觀眾為他熱烈歡呼，也一度忍不住感觸到眼濕濕。
【點擊睇鄭伊健演唱會靚相】：
而舞台上擺有道具汽車，旁邊放有一個印有「Wilson」的籃球，未知是否紀念已故好友錢國偉，在尾聲唱完《我的歌》後，伊健就帶著籃球齊齊落台。在encore環節，伊健為大家送上小驚喜，穿上roller鞋邊滑邊唱出《陪你飛》和《你的我》，笑言是自肥計劃，要迫大家看他想做的事，觀眾當然看到拍爛手掌，他又公開感謝家人和太太蒙嘉慧的支持。
在第二次encore時，伊健感觸解釋決定開演唱會的原因：「這幾年見到大家戴口罩，臉上無乜表情，隻眼好似睇唔到嘢，唔知身邊發生咩事，覺得好難受……」未說完已激動到要轉身平復心情，又語帶哽咽表示要冷靜一下，其後他續說：「以前唔喺咁，大家會打招呼，有講有笑，於是我想自己有咩可以做，我喺一個藝人，一喺唱歌一喺拍戲，既然陳光榮的作品可以打動大家就開演唱會，希望今晚之後，戴口罩只喺軀殼，只要內在無變就可以，其實人與人之間需要溝通，這是我一番小小心意，希望大家聽得懂。」最後以一曲《可樂》為演唱會劃上句號。
伊健受訪時被問到來到最後一場是否特別感觸，他表示大家為演唱會籌備多時，完結時會有不捨是正常事，又說現在最想做的事是休息，問他踩Roller環節練了多久？他笑說：「小時候有玩過，今日先攞出來試下，其實個台的設計唔喺做呢啲，後來試過可以就試下。」對於有觀眾在演唱會叫他除衫，問他下次開騷可會考慮？他反問點解要除：「我從來無除過衫。（你跳到成身汗，白色衫都變透視？）我睇唔到，咁咪好睇過除衫。」至於台上的Wilson籃球，伊健就避談是否與錢國偉有關，只謂籃球是自己買，是舞台陳設，指現在想打籃球，問到當中是否有回憶？他說：「唔喺，唔好想太多。（不關Wilson事？）你咁問，走啦，bye bye。」
【其他閱讀】：
盤點5位走樣男神！陳冠希屢被批蒼老余文樂發福撞樣谷德昭 男星疑醫美過度變油膩大叔
徐子淇細妹嫁富商多年罕有露面滲文青味 與林青霞繼女樸素打扮合照
三子之母張栢芝被預測明年生多個嚇到傻笑 網民力撐追個女：繼承你的美貌吧
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ