ViuTV籃球主題劇集《季前賽》近日熱播,片中一句對白「今日割五城,聽日割十城,後日冇埋柳應廷」成為網絡熱話,由電視話題延續到網上。導演袁劍偉昨晚在直播中透露剛補拍了「下集」,今日就有「新片」上畫,原來真的找到Jer柳應廷現身,向Edan呂爵安和Stanley邱士縉大叫:「我咪係柳應廷囉!」
廣告(請繼續閱讀本文)
《季前賽》第二集,張繼聰飾演的喪波,向Edan及Stanley說出:「今日割五城,聽日割十城,後日冇埋柳應廷」,接著後兩者反問:「邊個係柳應廷?」這一節對答引來網絡熱話,據知劇本本來是「郭富城」,後來現場撞撞下變成「柳應廷」,而「邊個係柳應廷」則是Edan和Stanley自創爆肚的,其後眾人將片段放到網上,無辜的Jer只能留下無奈表情。
廣告(請繼續閱讀本文)
《季前賽》導演袁劍偉及一眾演員昨晚曾在FB直播,導演透露剛補拍了「下集」,今日則分享片段,片中Edan和Stanley在室內重演當日對白:「邊個係柳應廷呀?」然後,Jer便衝出來說:「我咪係柳應廷囉!」Edan及Stanley對望一眼,再問:「即係邊個嚟㗎?」「邊位呀?」Jer一臉無辜,立即肉緊地捉實Stanley大叫:「我呀!」同時他又捉住Edan,將這一金句繼續炒熱話題。
廣告(請繼續閱讀本文)
片段一出,導演更寫道:「我哋真係好衰,真係唔應該二次傷害Jer…」不少同劇演員均有分享及留言,包括張繼聰、Edan及Stanley,但柳應廷本人卻沒有分享……