廣告（請繼續閱讀本文）
廣告（請繼續閱讀本文）
藝人海俊傑早前都內地橫店接拍古裝劇《狀王之王》，接近20年無拍古裝劇的海仔說：「今次拍呢套係古裝喜劇都幾有挑戰性，一來好耐冇拍過古裝劇仲要係搞笑嘅劇，二來要北上出發嘅時候都預約咗好耐先有齊文件過關，更一度突然封關又改期，可以話困難重重。」
一向少拍喜刻的他希望帶畀觀眾一個不同的感覺，他說：「拍呢套劇時間都幾長，感恩有老闆同老婆支持，令我可以無後顧之憂專心拍劇。今次係清裝劇，所以要剃部分頭髮再戴假髮，開頭都有少少緊張，點知剪完出嚟個效果好好，仲好有前衞感，大受好評。」
因為久未返內地工作，他都擔心過大家會否記得他，趁着拍劇前他都有為自己的新歌《平行時空》在內地宣傳，他說：「原來仲有好多市民記得我，我都要多謝老天爺，因為有一個室外嘅訪問，喺我訪問完嘅時候先落大雨，遲30秒都變落湯雞。」幸運他今次北上他都接了幾個演出及商演，觀眾對他好熱情。
廣告（請繼續閱讀本文）
東網網站 : https://on.cc/東網Facebook專頁 : https://www.facebook.com/onccnews/