所謂「良師益友」，遇到好的老師能在學習上事半功倍，而且重拾溫習熱情。不過現今教師工作壓力大，即使想做一個好老師，有時也有心無力。本地一名中學教師，因為太投入工作，希望幫學生考取佳績，卻令自己休息時間也欠奉。
Photo from 《麻辣教師GTO》劇照
日以繼夜為學生補課、做筆記
事主在討論區連登發帖「做一個好老師真係好辛苦，懷疑自己開始抑鬱」，他現時任教一所Band 2中學的中五班，由於下年學生升中六需面對DSE（香港中學文憑試），事主直言很擔心學生的成績。
他指：「（我）想俾最好嘅佢哋，但係搞到冇晒自己生活，明明放假都網上幫佢哋補課。成日都覺得自己可以教得再好啲，想整多啲筆記同唔同題目俾學生做，日日放咗學返屋企都係整新筆記/出練習，做一晚，第二朝又一早返學，捱到個身體好差。唉，但我仍然覺得自己未係俾到最好佢哋。」
Photo from 《阿Sir早晨》劇照
職務繁忙壓力如山大
除了教書壓力如山大外，事主亦要處理大大小小的行政工作，「有時放咗工8、9點收到關於工作嘅電話/message，或者朝早6點幾收到message，個人都會好煩燥，成個人好upset，但係返到學校又想俾個正面開心嘅樣學生睇，想佢哋有啲 energy去學習，講咁多都係想發洩下，我返出去做嘢先。」從文字已可見事主做到無停手，難怪覺得自己開始抑鬱。
Photo from 《麻辣教師GTO》劇照
網民讚賞事主
網民看了事主的帖文後，讚他是一個熱心好老師，「睇得出你係個好老師，相信你啲學生都會俾心機學」、「「樓主加油！感覺到你好用心咁對學生」、「你係一個好老師，你啲學生遇到你真係好幸福，唔係個個人都好似你咁盡責」。
亦有不少人勸他要好好休息，「適當時要放鬆下，休息係為咗走更遠嘅路，唔係你教完呢一班你就會唔想再教落去」、「你唔好畀咁大壓力自己」、「要注意自己身體，一個學生成績好與否有好多因素，做好自己部分便可以」。
Photo from 《解決師》劇照
放手讓學生自己嚟
另一方面，有網民勸事主要放手，認為「你有無諗過佢哋唔想要你比佢哋嘅嘢？」，雖然事主想給予學生最好的一切，但需要考慮學生的資質是否能夠應付，而且每個人成熟年齡不同，「有啲學生唔去到某個成長階段好難推郁佢」。
另外，有人建議：「想問下網上補課係學生自願定強制？唔好介意我咁講，每個學生程度唔同，佢哋未必想你補課困住佢哋，有時你放手畀學生自己嚟，有需要再搵你，咁樣可能會好啲，你又冇咁辛苦」。
延伸閱讀：
【小學體驗】小學夏日主題體驗日 邀幼稚園學生參加 提早適應小學生活
延伸閱讀：
【性格發展】小女孩愛扮公主反映真實性格？ 哪位公主最勇敢？最叛逆？最樂天知命？
Text：Mami Editorial
Source：連登