無綫藝人趙璧渝（Osanna）入行10年，直至近年參演《法證先鋒IV》、《逆天奇案》才引起觀眾注意。近日她在劇集《法言人》中飾演KOL Coco，與黃嘉樂有感情線。這是趙璧渝從影以來最多戲分及最完整的一個角色，亦是她首次登上劇集官方海報。趙璧渝在劇中因為一輯年輕時拍下的裸照而遭勒索鬧上法庭，繼而認識黃嘉樂展開一段情。
廣告（請繼續閱讀本文）
她為了這次演出，連道具「裸照」的拍攝亦一絲不苟，自掏腰包訂酒店房進行拍攝，更邀請妹妹親自操刀擔任攝影師。趙璧渝說︰「為道具相花咗好多心思，除睇咗好多寫真作參考外，拍攝前一星期又開始運動同節食，務求以最佳狀態影呢輯相。雖然由妹妹操刀拍攝，但過程有啲尷尬，因為我只著咗打底，仲要擺性感甫士。不過，妹妹一啲都唔尷尬，仲覺得好搞笑。佢對我要求好高，仲指導我應該點擺甫士，點樣可以性感啲。」
趙璧渝回憶將這輯「裸照」交給導演時很尷尬︰「輯相幾可亂真，導演睇完都『嘩」咗一聲。」談到劇中有場戲要掌摑飾演兒子的童星郭卓朗，她坦言很大壓力︰「同童星合作唔少，但要打童星就第一次，拍嘅時候都打咗10巴。我驚打親佢，所以好擔心，每次打完都問佢ok唔ok。佢好好，次次都話ok，冇事。」
（即時娛樂）
廣告（請繼續閱讀本文）