俗語都有話每三年一個代溝，特別是踏入職場後就會突然發現自己逐漸與時代脫節。近日就有網民開post指自己與00後細佬傾計時，發現自己「聽唔明」細佬言談間的潮流用語，無奈地表示「即時feel到自己老咗」，唯有上網虛心求助請教00後潮流用語。
撰文：Rainnie｜編輯：RF｜圖片來源：LIHKG討論區截圖、Unsplash@ann_van_、TVB《代溝關注組》截圖
與00後細佬傾計現代溝 連登仔：即時feel到自己老咗
廣告（請繼續閱讀本文）
想當年八九十後嫌棄老一輩「脫節」成一時熱話，風水輪流轉，九十後如今亦難以明白00後的潮流用語。近日就有連登仔以「宜家00後有咩潮語一定要識」為題開post，指自己與00後細佬傾計時驚覺自己「聽唔明」，因而決定開post請教時下年青人的流行用語。
廣告（請繼續閱讀本文）
萬能連登仔分享00後潮語 網民：無解釋同無講無分別！
樓主貼文一出，即時引來大量網民留言分享部份00後流行的潮語，不過大部份都欠缺解釋，難怪有網民無奈高呼：無解釋同無講無分別！
中文縮寫：越少字數越好？
廣告（請繼續閱讀本文）
英文單字：Kam、Firm、Tyft
Kam可以指一個人很奇怪，或者一件令人很尷尬的事；而Firm可以是「Confirm」（確定）的縮寫，在大學生圈子亦可能會說到「好firm嘅朋友」，意指非常親密的朋友。
集思廣益惹討論 網民大爆「懷舊」潮語：膝頭哥唔食辣椒醬！
雖然樓主特登開post集思廣益00後一定要識的潮語，但可能用開連登的普遍為八九十後，不少留言提及的用語都比較「懷舊」，例如10年前「風靡一時」的「kai子」、「潛水」、「屈機」等，更有人提到七八十年代潮興的「膝頭哥唔食辣椒醬」，虛心求教post秒變懷舊金句post。