台慶頒獎禮2024｜林景程爆冷膺最佳男配角 哽咽謝亡母：我冇學壞

許紹雄及溫碧霞（Irene）負責頒獎最佳男配角，其間許紹雄暗窒溫碧霞，當她說看不到珍姐坐在哪兒時，許紹雄笑說：「盲嘅都見到，唔好掛住講嘢，要望下人，你老花我畀眼鏡你，今晚嚟頒獎，唔係講你自傳。」

最後林景程爆冷擊敗阮浩棕﹑張頴康﹑蕭正楠﹑袁偉豪，憑《反黑英雄》首奪最佳男配角，他聞悉獲奬一刻表現驚愕，發言口震震兼語帶哽咽，他說：「多謝珍姐（曾勵珍）﹑樂小姐（樂易玲），sorry我好亂，完全冇諗過，我以前係一嚿飯，我係唔識講對白，我乜都唔識，但珍姐冇放棄我，依然擺我唔同戲入面，吸收前輩嘅嘢去學習，打咗好好根基，另外多謝佳哥（鍾澍佳），我有一段好長時間，搵唔到突破自己方法，覺得自己好似唔會有乜進展，你畀咗好多我幻想唔到嘅角色，你話咁樣先可以進步，你又問我『林景程，想挑戰乜嘢角色？』我嗰陣答你，唔係任何角色有信心，我對你畀我角色先有信心，我先有進步。多謝家人支持，投票畀我，多謝天上媽咪，佢好擔心我會入行學壞，我覺得好好，我應該冇壞到，滿意今日嘅我。」

（即時娛樂）