盧巧音老公Sammy 突然失聰　疑「耳中風」：細菌致神經發炎

盧巧音與老公、樂隊Kolor主唱蘇浩才（Sammy）同樣熱愛跑步，兩人不時分享健康生活日常。昨日（12月4日）Sammy在社交平台分享一張聽力中心的轉介信照片，透露自己突然左耳失聰，醫生懷疑是細菌入耳令到神經發炎，可能耳中風。

Sammy在社交平台分享聽力中心的轉介信照片，寫道：「今朝起身突然左耳聽唔到嘢，以為又有耳屎塞住，老婆即刻打比（畀）醫生約睇，醫生叫我即刻出去，照完發現唔係耳屎，應該係有細菌入耳令到神經發炎，可能耳中風。宜家去做聽力測試，希望食藥可以冇事。Anyway點都好，多謝老婆機警，多謝馮醫生，就算之後好唔好得返都唔驚得咁多，let it be and be strong。我問醫生咁做唔做得運動，佢話啲藥食咗會好精神，唱歌同運動都會好咗。Think on the bright side, and hope for the best」。

之後Sammy去了跑步，並表示「食咗啲類固醇好Hyper」，他在帖文寫道：「未能一一答覆，多謝大家問候，人間有情。食緊藥，睇吓呢幾日如何，今日見到日落同埋呢架Congratula船，好快會冇事。#食咗啲類固醇好Hyper」。

耳中風又稱突發性失聰，聽力突然大減或其中一隻耳朵聽不到聲音，只有少數患者為雙側失聰。耳中風通常發生於30至50歲的中壯年族群，患者會或在三日左右，聽力突然減弱或完全喪失。耳中風（突發性失聰）屬於急症，治療的黃金期是發作的3至7天內開始治療，愈早治療效果也愈好，若延誤治療，病人隨時難以回復原有聽力水平，甚至造成永久性失聰。