以前間中都會入西貢食海鮮，疫情之後沒有做這件事了，現在入西貢並不能說是山長水遠，但離市區都要一段距離，既然一係唔去食，一食就食最強的，連續十多年攞到米芝蓮一星的六福菜館應該算是西貢最強吧。
西貢的海鮮酒樓集中在海傍的海鮮街上，六福菜館則在市集內街，一見到米芝蓮的標貼，就不會搵錯。
到達時還未齊人，便先叫一客前菜食住等。
椒鹽奇脆豆腐 (HK$60/6件)
預計要吃很多豐富的海鮮，揀一碟椒鹽豆腐作熱身是最佳選擇，如其菜名，椒鹽豆腐炸得出奇地脆，內裡軟滑，椒鹽落得不過多，令我三兩下就吃光了。
西貢地道魚湯 (每窩HK$248）
吃海鮮之前，先來一碗魚湯，「西貢地道魚湯」用了番茄薯仔和魚來煲，不但止鮮甜，亦好有家庭味道，我自小就常飲這類番茄薯仔魚湯，對此好有感情，飲時頓覺暖意洋溢。
海鹽蒸魚仔 (HK$498)
我們幾個都想食魚，店員建議不如食款較特別的，就推介這款「海鹽蒸魚仔」。
魚仔用當日的新鮮貨，當日就用「齊頭閘」，雖然是「魚仔」，齊頭閘已算稍為大些少的，新鮮魚的確不同，只需簡單地用海鹽蒸煮，已能帶出鮮甜。吃細魚要慢慢吐骨，自小吃慣這類魚，沒有難度。
米湯低溫慢煮元貝(2隻) (當日時價 HK$160 + 加工費 HK$110)
原隻元貝以低溫慢煮，肉質爽滑而帶彈牙感，千祈不要忽略元貝殼上的米湯，帶著元貝鮮味的米湯，真的要一滴不漏地倒進口中。
花雕蛋白蒸斑馬瀨尿蝦 (HK$320/隻)
斑馬瀨尿蝦跟花雕蛋白同蒸，侍應在端上碟後才剪開蝦殼，這樣做才保持到蝦肉的熟度恰到好處。蝦肉爽口鮮嫩，而蛋白就盡吸收了瀨尿蝦的鮮味，非常香滑。
椒鹽焗大連鮮鮑魚(例牌3隻) (HK$320)
椒鹽焗鮑魚是六福的招牌菜，大連鮑魚大隻兼厚身，切開之後發現肉質彈牙，並沒有像擦膠那種硬，椒鹽份量適中，沒有搶去鮑魚的原味。
天婦羅桶蠔生菜包(例牌4隻) (HK$288)
天婦羅桶蠔用上薄薄的粉漿，如果每人可吃兩隻，建議第一隻先就咁放入口去試試原味，感覺一下那種薄脆。
吃第二件時，則把炸蠔放入生菜包內，並加入些少沙律醬，包著一咬，果然份外卜卜脆。
米水浸白菜(HK$168)
吃過幾道海鮮後，來一碟清菜，用上米水來浸煮，十分清甜。
西貢艇仔蒸飯 (HK$288/小，HK$388/大)
最後叫了一客西貢艇仔蒸飯，我們人少，就只叫了一客細的。
艇仔蒸飯的配料有蝦乾、魷魚粒、魚乾、臘腸等，這些就是我們自細認知的「家鄉風味」，差點被遺忘了，但只要一吃，記憶就返嚟。
米芝蓮一星的水準是跟其他海鮮酒家有明顯不同的，價錢也並非天價，連酒水人均大約HK$900，只不過因為我們人少，如果多人去分，會略為便宜些的。
今次吃到非常高質的海鮮和小菜，又見到好久不見的朋友，非常愉快。食什麼是其次，最緊要見到各人身體健康，歲月靜好，現世安穩，人生如此已經足夠。
六福菜館
地址: 西貢市場街49號地舖
電話: 27929966
營業時間: 11:00 – 22:30
睇睇食飯時拍的短片:
請關注飛叔平台:
Facebook專頁: 飛叔生活 Kelvin Leung
Instagram: kelvinyfl
YouTube: 飛叔Kelvin Leung