被狠批主持節目態度輕佻　保錡貼搞笑片道歉：錯就認打就企定

ERROR成員吳保錡與蒙嘉慧及Isabella陳海寧合作主持的ViuTV旅遊節目《呢度住吓嗰度住吓》上周播出後引起熱議，節目中保錡態度輕佻，不時借勢騷肌肉及大講黃色笑話，甚至對住小孩子講日本成人笑話如「好舒服（日文）」、「E姑E姑」等，令人生厭及失禮，連日來面對批評，保錡表示自己做得不好，今晚更出IG story道歉：「錯就認打就企定，對唔住，大家我係做得唔好！」

保錡節目播出後一片負評，前日現身西九文化區跑步音樂會後接受訪問，他亦表示要學識反思及放過自己，表明自己翻看節目都覺得自己做得不好。「有網民話，保錡做嘅節目，一定好業餘、放唔上大枱。呢樣嘢我覺得係要反思。如果我要上枱嘅話，就要知道唔係一道板斧可以走天涯。我希望自己嘅『搞笑』都可以係有多元化嘅搞笑，希望自己唔會微笑抑鬱。」

保錡說話有欠分寸，不少網民直言叫他去跑步就算，經過連日來反思，昨日保錡發文說：「接觸了運動一段時間，一開始自己一個去努力，走了很多冤枉的路，一直都沒有成果，然後接觸跑步後，心態上改變了很多，會接受別人的意見，也願意改變自己。人生也不應該只聽自己的想法，執意去完成任何事，也需要接受別人適當的意見。」他表示會盡力做好，盡力改變，努力笑一個活下去。

到了今日，保錡亦再更新社交網，先在限時動態致歉：「錯就認打就企定，對唔住，大家我係做得唔好。」後來他再發文寫道：「拍片求自己開心，我真係好鍾意搞笑，拍片也想大家開心，開心就睇，唔開心也想令你開心。搞笑真係要好好開始，真係唔簡單，希望大家生活中多一點甜，令每日大家笑一個。」

由於保錡發文的同時，配備一條自己變成猩猩的搞笑趣片，有網民認為他的道歉並非真心，留言批評：「平時唔係好鍾意打成千字文出Post，做乜唔出Post就節目的言行作出道歉。依家已經有人向通訊局投訴你。」保錡亦連番回應：「錯就忍，打就企定！我係有問題呀」、「投訴都啱的！公司有s and p （編：電視條例及守則科，負責審查節目尺度的部門─），有監制，有導演！我都覺得自己係有問題」。

亦有ERROR粉絲留言分享感受：「希望是真心的反思。近排你的節目經常有以下感覺：趕收工，是但做，眼神散，不專心。『敬業樂業』不是口號，你有冇放真心做，觀眾睇得出架，我知道你經常分享正能量，訪問中都經常聽到你積極正面，但拍攝時點解呈現唔到咁嘅感覺，反而係相反？由Error到Solo出歌都一直支持，但觀眾耐性有限，希望跑步為你帶嚟嘅轉變能夠在拍攝上都見得到。加油！」保錡亦有回覆：「今次表演方式未合大眾心意，下次繼續努力！」