中年好聲音2｜顏米羔剛為「賄選」發聲明　再爆疑似買Fans撐場

《中年好聲音2》將於今個星期日（3月24日）舉行總決賽，最後7強已經誕生，分別是安雅希、陳俞霏、黃劍文、譚輝智、古淖文、顏米羔和沈宗賢，觀眾可以投票選出「觀眾最愛好聲音大獎」。早前大熱之一顏米羔陷「賄選」風波，有人向傳媒報料，指一位自稱顏米羔「好兄弟」在網上群組發訊息拉票，稱只要在網上投票支持顏米羔，再截圖證明，即可換取價值280元的「撥筋肩頸按摩」服務一次。

顏米羔日前在社交平台發聲明︰「有關有報道指有米羔支持者推出投票送療程之貼文，非米羔及後援會的意思，本人亦通知了發文者移除貼文，多謝大家支持。」顏米羔接受TVB訪問時亦澄清並已立即叫停對方：「我明白佢支持，但咁樣唔啱喎，我都有同佢講。」顏米羔表示上了一課，現在惟有更積極拉票。

顏米羔剛為「賄選」風波解畫完，近日又被爆疑似買Fans撐場。有網民在社交平台發文，貼出3月18日顏米羔在《中年好聲音2》記者會唱《紅色跑車》的現場片段。該網民寫道：「第一次做假Fans 爽Lam 細個以為啲Fans係真。Btw 呢個人一定覺得自己好有型。」

該帖文一出後，引來不少網民留言，最多人關心的是有幾錢人工，樓主回答：「無吖 得一日$200一個鐘 同埋要個個KOL frd帶先做到」，又表示「應該真係有真粉 但我企後面 又或者啲主持都知係扮 都唔會搞咁多嘢」。最後該網民表示「無諗過咁多人睇 咁多人知咗 好驚出唔到糧」，之後將貼文刪除。