荷里活電影《特技狂人》（The Fall Guy）由《Barbie芭比》男星賴恩哥斯寧（Ryan Gosling）和《奧本海默》女星愛美莉賓特（Emily Blunt）主演，今日（25日）在港正式上映，故事以電影特技人為主題，日前舉行特別場，邀得香港動作演員特技工會會長錢嘉樂前往欣賞並分享觀後感，他親解為何現今荷李活的CG、AI特技下，電影仍要真人演出及特技人的重要性。
廣告（請繼續閱讀本文）
出身於洪家班，80年代被封為「替身王」，現任香港動作演員特技工會會長錢嘉樂觀看《特技狂人》後，特地分享觀後感受。「荷李活嘅CG同埋AI都好先進，點解佢哋仲咁堅持用真人來做？觀眾入場後可以深深感受到特技人嘅付出、特技人嘅努力！」
廣告（請繼續閱讀本文）
錢嘉樂直言，《特技狂人》點出了特技人的浪漫。「電影中特技人除咗動作，還有一條浪漫線，戲中男主角Ryan Gosling一開場同女導演（Emily Blunt）條愛情線好深刻，一路拍攝，一路講緊啲好浪漫嘅情話，好得意！」
廣告（請繼續閱讀本文）
錢嘉樂又提到，之前看過另一套荷里活電影，當時看到片中翻車7周，已經覺得嘆為觀止。「諗唔到幾年後係《特技狂人》製作入邊破埋呢個世界紀錄！好興奮，特別我鍾意飛車呀嘛！」
錢嘉樂看完電影，有感而發說：「之前我哋有小黑哥（柯受良）飛越黃河，今次電影入邊有飛越大峽谷，引證咗全世界嘅特技人都一樣有不死嘅精神，喺𠵱家呢個世界，有咁犀利嘅AI特技，但電影都尊重我哋特技人真實演出，希望全世界觀眾都鍾意呢個片種。」
