社交網今日(22日)流傳一條「車Cam」影片，顯示於昨日(21日)下午，一輛紅色公共小巴，在長沙灣青山道近320號對開中線停車落客，一名男子首先落車，另一名女子也尾隨落車。豈料，女子雙腳正要踏落地之際，小巴竟然開動，女子即時失平衡跌倒後腦撼地，有途人見狀上前了解，惟小巴已經離去。
網民看過影片後紛紛怒罵小巴司機，「告佢危險駕駛」、「交通意外有人受傷後不顧而去」、「個人瞓低咗，個司機走咗去」；另有人指要投訴司機，「又係有站唔埋站，係要路中心頂住晒，依家仲要未落完客就開車導致有人受傷，片主一定要1823呢啲X街」、「拉呢啲X街司機啱架啦，隨時害死人」。
廣告（請繼續閱讀本文）
執法部門表示，昨日下午2時許，一輛小巴在上址停車落客，一名姓黃（56歲)女乘客落車時，小巴突然移動，女乘客跌倒頭受傷，被送往明愛醫院治理。涉事小巴未有停下，案件列作「交通意外及有人受傷」。
東網網站 : https://on.cc/東網Facebook專頁 : https://www.facebook.com/onccnews/