愚人節齊齊開玩笑！10個創新不嬲豬的整人方法

一年咁多個節日，小編最鍾意愚人節，因為除了表白都唔洗怕「𤓓」之外，仲可以跟朋友用各種整人方法開玩笑一番，最緊要係咩？人地唔準嬲嘛！就讓小編賜你「愚人節整人10式」！

第1式：出血水龍頭

將食用色素粉抹喺水龍頭內則邊緣位置，一開水就滿滿「鮮血」，應該嚇到唔敢洗手！

第2式：將殺蟲劑換成空氣清新劑

呢個玩笑最緊要就係加埋隻真蟑螂嚟玩，當噴極都噴唔死隻蟑螂，都真係幾激氣。

第3式：手機聯絡人改名

通常都係同男朋友/老公玩，因為多數都知道對方密碼，改哂佢聯絡人啲名，應該會抓狂！不過對於電話係搵食工具嘅人士嚟講，開呢個玩笑就要小心，因為隨時反面！樂極生悲就唔好啦~

第4式：牙膏變Wasabi

人每朝都要刷牙，而朝早更係每個人戒心最低嘅時候，趁愚人節將廁所的牙膏變Wasabi，一路刷一路辣，應該都幾好笑！

第5式：有料食物

人每一日都要食飯，所以整個有料食物吧，整人成功率達100%！例如Wasabi三文治、牙膏漢堡包、辣椒汁炒飯……諗起都過癮！

第6式：恐怖電腦wallpaper

趁同事/朋友/家人唔為意，就將佢部電腦嘅wallpaper換成恐怖相啦，最緊要換完熄咗佢個mon，等佢一打開就見到，應該嚇到尖叫！

第7式：將兩杯水倒轉放枱面

先將一張卡紙放喺有水嘅杯上面，然後一下反轉放喺枱面，然後再慢慢拎走卡紙，就可以成為「倒轉的水」！最激氣位係留埋張紙條俾阿爸阿媽，等佢地抹餐死之餘仲要被揶揄，真嘔血！

第8式：眼鏡啫喱糖

將朋友/同事/家人很重要的物件偷偷製成啫喱，幻想如果朋友/同事/家人是大近視魔，找到眼鏡時眼鏡卻在啫喱裡面，眼花的他/她一定氣死！！

第9式：萬樂珠+可樂

好多人都知道萬樂珠一放入可樂就會變「可樂噴泉」，將一粒萬樂珠用一條線綁喺可樂樽口，一扭開，哈哈！應該成身都係可樂喇！！！

第10式：扮廁所有人

只要將一條褲加鞋放入廁格內，就可以神不知鬼不覺咁做到「廁所有人」嘅假象，如果你嘅同事/朋友/家人見到廁所anytime疑似有人，絕對會激死佢地！

**Follow us on:

• Facebook: CosmoHK
• Instagram: @cosmopolitan_hk
• YouTube: CosmopolitanHK**