吳若希（Jinny）上月再誕下細仔Kylian，順利湊成一個「好」字，日前趁細仔滿月於IG晒首張一家四口全家福，Jinny又留言自爆細仔中文名：「可以叫他阿樂或者樂樂（取這個名字其中一個原因是覺得我的婦科醫生實在是太好了）！」唔知老公知道有冇呷醋呢？
文：東方新地 ｜圖：吳若希IG、Alex Ho IG、@uniqhoto、@Uncle Ming Newborn Baby Photography、新傳媒圖庫
吳若希（Jinny）11月再誕下細仔Kylian，順利湊成一個「好」字，日前趁細仔滿月於IG晒首張一家四口全家福，非常溫馨。Jinny留言指十分滿意張全家福：「我好鍾意呢張相，反映咗成家人各自嘅性格， 爸爸就內斂，媽媽好開心，家姐好貼心，弟弟就依然沉醉喺自己嘅世界！」Jinny在IG順便爆埋細仔中文名：「可以叫他阿樂或者樂樂（取這個名字其中一個原因是覺得我的婦科醫生實在是太好了）！」唔知老公知道有冇呷醋呢？
ALex認錯：老婆，對唔住！
吳若希早前在家中坐月休養，Alex亦好識做幫手買餸分擔家務，為免老公冇記性，事前特意寫好一張購物清單，點知Alex因為誤解清單上嘅符號，搞到買漏嘢，Alex要在IG公開認錯：「老婆，對唔住，可能我唔知條線係『等於符號』我買少咗。」所以話做人老公甚艱難！
囝囝Kylian滿12朝派薑醋
吳若希近日在IG分享最新抱B照，透露Kylian已滿12朝，會按照傳統派薑醋給親朋好友。眼見相中吳若希精神唔錯、雙頰飽滿、手腳修長、上圍亦明顯升Cup，有網友指佢生完囝囝後重靚咗，更有網友大讚：「生完都咁fit、咁索。」但吳若希卻笑指：「執瘦咗個大髀㗎。」
相關文章：吳若希晒細仔正面樣 網民批大細超：大女次次被矇眼﹗
現年28歲的吳若希（Jinny）11月初誕下二仔，產後休息過後在社交網公布喜訊，分享夫婦抱子的溫馨合照，並透露細仔Kylian重九磅。正在坐月的吳若希今日在社交網貼出囝囝的正面瞓覺樣，向來對大女容貌甚為保護，每次po相定必矇眼或遮樣，今次竟然一反常態。
吳若希湊仔好字
吳若希17年誕下大女Giselle，從出世至今，沒有清𥇦女兒的相公開過，每次貼大女相，都會用emoji遮樣，或只貼側面或背面相，不過二胎細仔出世，吳若希貼出抱仔相卻未有遮樣，跟當年囡囡剛出世得腳印照，以及初生時只有下巴露臉外，對細仔的處理明顯不同。
吳若希晒仔相狂吸like
今日吳若希更晒出囝囝的正面樣，網民留言指「好靚仔、似老竇」、「好多頭髮」、「手長腳長似媽咪，樣似爸爸」等，不過有心水清網民留言質照吳若希「係咪大細超？」網民直斥：「你個女呢就矇住隻眼唔畀人哋睇到佢個樣，但反而個仔呢就公開畀人哋瞲個樣，呢個係咩玩法啊？」不過最愛同網民「交流」的吳若希今次未有回覆此網民的留言。