今年71歲嘅羅樂林入行近50年，演出近200部劇集，早前於TVB處境劇《愛回家之開心速遞》以大四喜Rap歌出場令觀眾大感意外。事實上，現實中嘅羅樂林卻係一位將事業、家庭皆照顧好嘅好爸爸！
撰文：東方新地｜圖片：Instagram、電視截圖
今年將71歲嘅羅樂林最為人津津樂道嘅應該係24小時內喺5部劇集連環死5次，就連歐美澳十數個國家更用4種語言報導，令「死訊」成為國際新聞，因而成為TVB最有名嘅「御用死人」！
廣告（請繼續閱讀本文）
死亡時間 6/4/2011 20:30 《洪武三十二》- 朱元璋
死亡時間 6/4/2011 21:30 《女拳》- 莫平
廣告（請繼續閱讀本文）
死亡時間 7/4/2011 00:15 《七號差館》- 孫全
廣告（請繼續閱讀本文）
死亡時間 7/4/2011 11:45 《布衣神相》- 無相子
死亡時間 7/4/2011 14:50 《皆大歡喜》- 金華
另外，大家有睇TVB處境劇集《愛回家之開心速遞》就一定見過羅樂林，劇中飾演富豪爸爸龍敢威（大龍生）唔單止有3位太太之外，亦都有唔少年輕嘅女朋友相伴，而且「已知」嘅仔女一共有6個，一家可謂相當熱鬧！
現實中，羅樂林嘅大女同二女SaSa、Adrienne係與前妻所生，隨後再與陳寶儀（現為前妻）結婚而誕下細女羅苡之（Tisha）。
雖然同兩位太太都離咗婚，但仍無阻羅樂林與3位寶貝女嘅感情。羅樂林為咗3個女，更決心將所有壞習慣都戒，例如煙、打麻雀等，一戒就30年！不過，唯一無戒到嘅係酒，因為有時會同一家人飲吓酒，高興下！
上年羅樂林70歲大壽，3個女特別製造驚喜生日派對為爸爸慶祝，瞞住爸爸約咗一班爸爸嘅好友到場，就連羅樂林都話：「絕對係我71年人生以來最驚喜一次，佢哋竟然約晒我最好嘅朋友，仲要全部人一齊瞞住我，實在太開心，所以幾個女真係好乖，好錫我呢個爸爸。」