「綠葉夫婦」 楊證樺沈可欣一直默默地喺電視度擔當配角嘅角色，但原來現實生活中佢哋喺夫婦，仲已育有一名兩歲嘅囝囝楊宏志（Eugene）。日前楊證樺同沈可欣擔任由田蕊妮主持節目《1+1的深情》嘉賓，分享兩人嘅戀愛故事，更講述囝囝抽筋暈倒一刻嘅心情。楊證樺更加送上驚喜，叫齊雙方好友見證，喺直昇機場向沈可欣補求婚，閃盲觀眾呀！
撰文：Sunday Kiss、Ling｜圖片來源：《1+1的深情》截圖、部分相片由受訪者提供｜攝影：Killy Sung
延伸閱讀：
廣告（請繼續閱讀本文）
囝囝抽筋暈倒 楊證樺：人生去到嗰一刻，原來所有嘢都可以唔要
廣告（請繼續閱讀本文）
楊證樺同沈可欣擔任由田蕊妮主持嘅《1+1的深情》嘅嘉賓，分享兩人嘅愛情故事，當中佢哋提及囝囝楊宏志 （Eugene）上年突然發燒，朝早帶咗囝囝睇醫生食咗退燒藥，但夜晚依然唔退燒。楊證樺揸車去醫院途中，囝囝突然抽筋暈咗、失去知覺。
廣告（請繼續閱讀本文）
沈可欣已經喊到死去活來，以為囝囝走咗，好彩10零秒之後囝囝有返喊聲，楊證樺個心先定落嚟少少。
去到醫院，囝囝再度失去知覺，醫生馬上為Eugene進行急救，好彩最後平安無事。沈可欣憶述當時有人同佢講「頭先你個仔個嘴變咗紫色」，佢話佢寧願唔知道，嚇死佢哋。佢哋話，依一次係佢哋人生之中最深刻嘅一次。
延伸閱讀：