開直播試食蛋糕　泰妍勁失望：原來係發泡膠！

韓國女團少女時代隊長泰妍最近同服裝品牌合作，推出以愛犬Zero做主題的T-Shirt，品牌近日送了有泰妍同Zero個樣的立體蛋糕給泰妍，泰妍昨日在直播中興奮地展示蛋糕。

當泰妍問蛋糕是否食落肚時，不少粉絲都留言說「似係可以食嘅蛋糕」，泰妍之後便開始試聞蛋糕的味道，又用刀刺向蛋糕，有粉絲就留言叫泰妍放膽試食，泰妍便開始用力將蛋糕切開，竟發現蛋糕是用發泡膠做成，立即爆笑道：「頭先係邊個叫我食㗎？」之後又將「蛋糕」拿到鏡頭前，說：「嗱，係發泡膠呀，食一啖啦。」泰妍又對冇得食大表失望：「我連碟都準備好，仲諗住有蛋糕食好興奮。」認真爆笑！

東網網站 : https://on.cc/

東網Facebook專頁 : https://www.facebook.com/onccnews/