廣告（請繼續閱讀本文）
太極樂隊成員雷有輝（Patrick）偕林德信（Alex）分別接受香港開電視「開工大吉」訪問，二人錄影廠碰面時雞啄唔斷，大談昔日的淵源，雷有輝笑指要由幾十年前講起：「以為錄音室見佢唔太高，跟住爸爸嚟錄歌，喺度搞搞震！後期佢入行做歌手，佢唱片公司老闆叫我教佢唱歌，其實唔使我教啦，係我跟佢學瑜伽就真！」
雷有輝就話未敢收Alex為徒，二人更即席合唱《拼命三郎》：「今日唱就更係未夠喉啦，但係我12月可能有個騷演出，梗係想搵Alex幫手做嘉賓，但係怕佢哋騷錢太貴，我請唔起佢哋咋！」Alex就話即日聽到Patrick的歌聲，二人常隔空合唱：「我以前成日做Event成日被要求唱《分分鐘需要你》、《敢愛敢恨》，冇咗歌手把聲，但聽得出底聲其實係Pat哥，所以我一入行就同佢合唱架啦，所以一定要搵一次同台Jam歌過吓癮！」
廣告（請繼續閱讀本文）
東網網站 : https://on.cc/
東網Facebook專頁 : https://www.facebook.com/onccnews/