王君馨（Grace）早前在YouTube拍片分享自己曾經在低潮時期患上暴食症和抑鬱症，她透露患病主要原因是初入行時，因為很多觀眾批評她在一個飲食節目表現太浮誇，當時作為新人的她不懂處理觀眾的批評，感覺很大壓力，繼而患上暴食症。
廣告（請繼續閱讀本文）
Grace表示最初不知道自己有暴食症：「我諗當時比我依家係肥12至13磅，會成日忍唔住會食好多嘢。自己又會成日同自己講嘢，心入面會有把聲音鬧我做咩食咁多，但之後又會想有填包個肚個感覺，我試過食盒餅乾有罪惡感，之後掉入垃圾桶，之後我仲記得我去垃圾桶拎返盒餅乾邊食邊喊。唔知有暴食症朋友有冇呢個感覺，係所有嘢都控制唔到，但除咗食物唔會鬧返你，食完你唔會批評我，因為係死物，所以變到食嘢我就有返控制權。」
廣告（請繼續閱讀本文）
之後MC Jin帶Grace到教會，得到信仰的Grace覺得終於有一個渠道可以將壓力拿走：「偶像好似一定要將自己最好個面show畀大家睇，唔可以有軟弱、唔可以唔靚、唔可以失敗、唔可以有缺點。」Grace表示，當感到壓力很大時，就會想起一句說話：「You just try you best and let God do the rest」。
撰文：機