黃偉文睇完MIRROR演唱會逐個點評！花姐搭嘴申請度身訂造12份歌詞

MIRROR演唱會成為近日熱話，吸引不少名人入場欣賞，其中填詞人黃偉文（Wyman）昨晚入場後在IG貼出大合照及分享感受，笑問自己為12星座寫歌比較困難，還是為12位MIRROR成員各自度身訂造一首歌詞會更難？MIRROR各成員見狀紛紛留言感謝，Wyman亦有逐一回覆點評，而花姐亦主動申請，笑說：「唔會難到你。」

作為資深填詞人，黃偉文今年亦有替MIRROR兩位成員包括呂爵安（Edan）和姜濤的歌曲填詞，昨晚亦順理成章入場欣賞他們的演唱會，寫道：「之前好多人問『可摸耳12星座每個都寫首歌？』我：『好難喎，12個星座我唔係個個都熟喎，唔熟嗰幾個我驚寫得唔夠『中』喎！』今日輪到我想問：你估寫中晒12星座嘅心聲難吖？定完美又啱尺寸咁為12位Mirror成員每人度身訂造一份歌詞難？哈，咁諗落又好似12星座易啲喎！」

帖文中他亦有提到「#後台人多湧來湧去沒有機向12位逐一道謝真係唔好意思」，於是MIRROR一眾成員，包括隊長Lokman、Stanley、Anson Lo等成員亦有多謝Wyman捧場，而Wyman都有逐一答覆，其中給Anson Lo的建議最長：「一直覺得你應該至少有一首妖孽啲嘅快歌（或者唔快嘅歌），正如你套紅衫我會揀再鮮紅啲（而家呢套麻辣鴨血咗少少雖然睇咗成晚黑白都已經幾夠殺）……」

除了MIRROR眾成員留言外，經理人花姐亦把握機會笑說：「唔會難到你」，希望Wyman可以為她的12位「囝囝」各自寫歌，而Wyman亦搞笑地反過來提出要求：「係咪寫晒12個之後，吸滿印仔你獎我寫一首畀你唱先？」