你係咪一個隱性孤獨患者？打開Facebook、Instagram，可能人人都羨慕你嘅生活有幾美好。但事實卻係越黎越唔想出街、越黎越怕同真人交際、一個人行街睇戲，內心陰影面積有多大塊，只有自己知道。就以六點自我檢視，睇下你係咪一個孤獨患者。
#對交友關係無信心
每個人係成長嘅過程總係會經歷離離合合，人際關係好複雜，曾經鄰坐嘅同學就係你分享秘密嘅對象，曾經一齊打拼嘅隊友燃燒你嘅青春，但天下無不散之延席，你嘅鄰坐會識到新同學，你嘅隊友都會認識新朋友，如果你跟唔上腳步，呢種被取代嘅感覺一啲都唔好受。可能因為咁，慢慢開始你變得消極，難以相信他人，自然好難去建立交友關係，久而久之就變成獨來獨往。
#唔想應約，安靜一人也很好
人懶無藥醫，一諗起出門要打扮、化妝，有時仲要戴上面具同大家打成一片，三隻字講晒：心好累！匿係屋企敷mask煲劇、甚至大掃除，似乎都比出去交際舒服。放假好似屋企有好多野做，但又唔知自己忙緊咩，一方面無人約，另一方面自己都對外界嘅喧鬧不感興趣。
#拒人於千里之外嘅形象
每個小朋友都十分直率，但慢慢大個，會知道太直容易被討厭。說者無心聽者有意，唔識拿捏分寸，於是講野越黎越有禮貌，越黎越正經，比一人付拒人於千里之外嘅形象。
#不擅表達自己
孤獨患者「氣場」比較弱，係討論入面，總係扮演聆聽者，怕開口就引來其他人嘅諷笑，又或者唔想反對其他人嘅意見，於是越黎越少開口，越殷越無勇氣發言。其實主要都係因為自己「諗多咗」，所以好多時不表達自己先係令人忽略自己感受嘅真正元兇。
#搵唔到自己嘅小圈子
因為無人一齊食飯、飲野，放二、放學除咗返屋企好似都無掟去啦！返到屋企又比人一如往常地問起做乜唔出街，更慘嘅係自己一個人住，根本無人關心，似乎只有自己嘅被窩先係真正嘅避風港，但搵唔到真正嘅歸屬感。
#手機永遠都沒有訊息
日日都拎住電話，期盼有人會搵你，但全日不斷打開ＳＮＳ，訊息量永遠係零，然後見到大家開開心心圍威喂嘅杷同片，內心孤獨警號大響，好似自己係世界消失咗都無人在意。最慘嘅係，拎起電話想要搵人訴苦，都唔知有咩對象願意花時間聽你嘅苦惱。
