【高鐵通車】圓方廁所逼爆 家長驚拐子佬！凱旋門住戶：生活質素降低晒

【新增動新聞】
內地官媒《人民日報》於西九龍高鐵站通車前曾發文「香港將邁入高鐵新時代」，其中提到高鐵「能讓香港同胞更好地『走出去』，也能把內地同胞更好地『請進來』」，形容香港旅遊業可持續發展大有可期。不過，《蘋果》接獲西九豪宅凱旋門居民的投訴，高鐵站啟用當日旅客已逼爆附近商場圓方，通往高鐵站必經之路的溜冰場附近更人頭湧湧，「啲櫈平時得小貓三、四隻坐，依家係坐滿晒推篋嘅人」，即使排隊去洗手間的人龍也比平日長三倍，「冇預計過高鐵開咗會變成咁，成個生活質素都降低晒」。

居於凱旋門8年的張小姐表示，高鐵西九龍站通車當日到過圓方，已經見到四周圍都是拉著行李篋的人。她稱，自己育有四名2至8歲的子女，平日會帶他們到商場和公園遊玩，「依家都驚流感、細菌唔敢落去……有家長就話擔心會有拐子佬」，又指近擎天半島的平台花園，人流亦比平日多一半，「真係唔知啲人邊度嚟」。

在西九站附近豪宅的住戶通訊群組中，有人指「圓方現在很亂」，又指以前九龍站的客務中心絕少有人排隊，現在「竟然」出現人龍。張小姐慨嘆，近日到圓方內的超市和大型連鎖零售店，欲購買奶粉、橄欖油和洗頭水，很多已經售罄，有鄰居向她表示面膜產品也售罄。而超市附近的洗手間亦大排長龍，「人流比平日長三倍，加上啲清潔姐姐洗唔切廁所，搞到好大陣味」，雖暫時未見有人隨地大小二便和吐痰，但她估計不久將來會出現，「本身住係凱旋門都係貪佢人少，住得舒服，買嘢同搭車都方便，最多都係星期日多少少人嚟買嘢」。不過，高鐵通車後令其生活質素大不如前，有內地鄰居更稱「圓方即將淪陷了」。

《蘋果》今午到圓方商場視察，部分廁所未見有太多人排隊，少量人士在廁所外的椅子上休息。通往高鐵站必經之路的溜冰場附近人流多，但未發現坐滿推篋旅客。記者到超市「3hreesixty」及萬寧了解情況，貨架上有少部分尿片缺貨，奶粉、面膜及其他護膚品大致都齊貨，有2名拖篋旅客在萬寧選購奶粉。

油尖旺區議員孔昭華表示，過去幾天曾到西九站及圓方商場視察，發現商場人流確較以往多出起碼五成，除了內地旅客外，亦有部份港人到西九站湊熱鬧，順道逛商場，「係多咗人行商場，搵嘢食等位都排耐咗，但暫時未見對居民造成好大影響。」他指出，居民對高鐵開通反應兩極，有些人認為可以帶旺商場，對樓市或有幫助，但部份居民則擔心會令原本安靜的環境變得喧鬧，他未來會密切留意變化。對於有居民投訴奶粉及紙尿片等產品被掃清，他認為不足為奇，「之前個場比較冷清，同一貨品，一日賣得十件八件，而家兩、三個客，每人一篋都掃晒啦。」不過他估計有關店舖會因應人流而增加貨物供應量，居民毋須太擔心。

港鐵表示，非常高興自香港西九龍站在9月23日星期日通車後，位於毗鄰的港鐵商場圓方的人流有所增加，特別在高鐵香港段通車首日，商場人流相比以往的周日明顯增多，商場秩序大致正常。同時亦增加人手和補充物資，確保為顧客提供各種優質的服務。港鐵稱，商場在西九龍站投入服務前亦已跟圓方內各租戶溝通，為增加的人流提供適切的受到和購物體驗。