情侶一齊久了感情穩定了，就自不然會步入「老夫老妻」嘅階段，已經唔會再好似熱戀期咁日日氹日日見。好多時一齊耐咗習以為常反而會忽略小細節，而呢啲小細節可能係啲雞毛蒜皮嘅小事，但對方就往往會因為呢啲小事而唔開心，究竟有邊幾樣小事容易中招呢？
廣告（請繼續閱讀本文）
1.不說早晨晚安
就算無得面對面講都會send message講，相信唔少情侶喺熱戀期嘅時候必定會日日講。熱戀期會做嘅嘢點解去到穩定期會愈嚟愈少呢？好多時可能都會話「唔記得咗」或者「太攰瞓咗」，但講真一句「早晨」「晚安」要幾耐，懶就懶啦唔好再搵藉口啦。
廣告（請繼續閱讀本文）
2.遇見朋友鬆開手
小編明白有好多情侶都唔鍾意公開戀情，所以就算穩定交往中，身邊朋友都未必知你拍緊拖。所以好多時情侶喺街上遇到朋友會立即鬆開手，但其實呢個舉動會令女孩子心碎，有一種不被確定嘅感覺，既然撞到朋友仔不如大方公開啦，拖住另一半走上前打個招呼其實唔係好難姐。
廣告（請繼續閱讀本文）
3.唔好用喊去威脅另一半
係唔少女孩子嘅通病，千祈唔好以為喊就可以解決一切。你喊然後對方就你，係因為佢愛你，唔忍心見到你唔開心，但千祈唔好濫用佢對你嘅好，更加唔好用眼淚做威脅對方嘅工具，因為喊並唔係解決問題嘅方法。
4.嗌交會拋低你喺街
有咩唔啱咪講到啱，返到屋企再慢慢傾，點解要拋低另一半喺街然後自己走咗去。怒氣沖沖走咗去然後留低另一半絕對唔係解決問題嘅方法。相反，只會令感情變差，因為對方會覺得你對佢唔在意，如果你拋低佢之後發生啲咩事點算。
5. 先斬後奏
一齊耐咗就覺得唔使處處交代或商量，好多時都自己決定咗之後再知會另一半，出現先斬後奏嘅情況。小編相信先斬後奏呢個情況喺熱戀期嘅時候都唔會常常出現，咁點解到穩定期時會老是常發生？作為情侶有咩事就一齊商量一齊決定，就算對方反對都必定有佢嘅原因，千萬唔好次次都先斬後奏，你根本都唔會徵詢對方嘅意見。
**Follow us on:
- Facebook: CosmoHK
- Instagram: @cosmopolitan_hk
- YouTube: CosmopolitanHK**