藝人衛詩雅（Michelle）出席經理人公司團年飯敍，但見她以拐杖協助步行，原來約一個月前，她與友人到訪北海道滑雪發生意外，導致左腳嚴重骨裂！她無奈表示：「聖誕節同朋友去玩，上雪山時我發現坐緊架卡車開行中，我成個人凌空咗，諗住唔係好高就跳落去，但自己一隻腳已經着住塊板，墜地時成個身扭咗但着腳冇扭，立時聽到『啪』一聲，即刻好痛。」
廣告（請繼續閱讀本文）
Michelle被送到當地醫院，發現情況比想像中嚴重：「左腳骨折，醫生提我唔好掂地，因為已經斷咗4/5，只係黐住少少，如果斷埋會好麻煩。（有冇喊？）想，但忍住，翌日我即刻返香港求醫，搵到個好好嘅中醫師診治。我都冇諗過骨折會搞咁耐，起初隻腳腫到嚇人，又變黑色，依家已經好返好多。」
原來「搬開住」的她返港後擔心嚇倒父母，所以很久沒有返回娘家。她靦覥謂：「近日終於返咗去，我阿媽問我做乜搞成咁！起初我都間中用輪椅代步，依家先知香港傷殘人士嘅特殊通道其實唔足夠。」
東網網站 : https://on.cc/
廣告（請繼續閱讀本文）
東網Facebook專頁 : https://www.facebook.com/onccnews/