圍困理大第五日　17 歲阿駿：等和理非走晒再打算　呢個係勇武嘅職責

踏入理大被圍困的第五日，繼續有人於校園留守。自稱勇武的阿駿（化名）今年17歲，他一早醒來就到教學大樓「巡樓」，開咪詢問「有無人啊？起身食早餐啦」，一方面希望大家到樓下進食補充力量，一方面希望簡單統計留守的人數。確認和理非全部離場後，阿駿便會考慮離開。

留守人士相繼離去，校園內的人數不斷減少，超過一星期沒有回家的阿駿亦希望離開，「我有啲掛住屋企張床，瞓喺度（凳）唔舒服」。被問到留守的理由，阿駿毫不思索便說：「等啲和理非走晒，我再睇下走唔走到，呢個係勇武嘅職責。」

對阿駿而言，勇武是一份職責。過去數日，阿駿6、7時清晨起來便穿上盔甲，和其他勇武的朋友到處巡視。他們每逢正點巡視一次，「睇下有無鬼（臥底）入左黎」，確保校園內所有人的安全。晚上，他們又警惕警察在眾人休息時進入校園，提醒留守人士到高層隱蔽點休息，並替他們在附近設障礙物，防止有人突然進入休息範圍。

守護記憶中的校園和手足

當日之所以到理大支援，亦是因為職責驅使。他一方面是希望用自己的力量，保護他記憶中環境優美的校園，一方面希望支援校園內的學生。他年幼時曾到理工大學參觀，認為理大校園「好靚、好好玩」，一直不希望校園被警察攻破、毀壞。但始終事與願違，「咁靚嘅學校搞成咁，要幾耐先可以變返以前咁？」

「個陣話唔夠人，無勇武，咪即刻入黎囉」，一心到理大支援的阿駿進入校園，發現自己和朋友是為數甚少的勇武，「不過唔緊要啦，我係勇武嚟架嘛」。他和勇武朋友在被圍困的日子裡，自願挑起保護其他留守者的擔子。

尊重留守者去留

去或留，一直令留守者掙扎不已。阿駿尊重各人的選擇，他認為，由於不知警察什麼時候大舉攻入校園，被困者長期需要警惕四周安全，精神消耗甚大，「我哋（勇武）唔可以逼和理非做我哋想做嘅嘢」。有人希望離開，他便盡可能親自送他們安全離開；不希望離開的，阿駿希望繼續留守陪伴他們。

訪問的最後，留守者的圈子中，有一名男生帶著哭腔說希望離開，「我覺得好對唔住你哋，但係我想走，我屋企人⋯⋯」一眾勇武留守者異口同聲地追問「係咪安全？真係走到？」有人接著說：「唔安全就返嚟，我哋喺度。你有咩事，我會著裝出去幫你。」

守護言論與新聞自由。立場新聞，寸步不退。
每月贊助支持立場新聞