情侶拍拖需要心思是一定的，如果不間中準備一些小驚喜的話，很容易令到愛情都失去火花。近日就有一名港男於討論區上大呻，自己於聖誕節對女友不太上心而令到對方失望之極，更指自己當場「喊出嚟」？！
港女呻男友對自己漠不關心 聖誕節冇準備禮物 網民：「重點唔係份禮物！」
事主於連登開po以「聖誕節12月25號，男人老狗係尖沙咀喊咗」為題，交待自己與女友已經拍拖兩年，而且兩人的感情亦十分不錯，事主指：「我一直以為平平淡淡咁過日子係最好，生日過節簡簡單單食餐飯，行下街已經好幸福。」。
女友見面：聖誕禮物呢？
聖誕當日事主就相約女友見面，女友見面後第一句就問事主要聖誕禮物，而事主就以：「吓？冇喎，噚晚平安夜咪同你食咗飯囉」回應女友。而對方就大呻事主沒有儀式感，事主之後都深知出事，所以就指自己會補送禮物，不過女友就直言：「我唔係想要講先識做呀。」。
嘗試即場補獲 街邊買兩隻聖誕鹿角
如是者事主不停在路上哄女朋友，之後更在街邊買兩隻聖誕鹿角打算令女友唔好嬲，怎知道對方指：「其實我唔想同你講野囉！」，而去到此刻事主終於知道做什麼也不能夠補救，而自己亦都沒有興致去挽回僵掉了的氣氛。去到有一刻事主終於忍不住問女友究竟嬲什麼，而女友就指出事主對前任十分好，但對自己就相當hea，直指事主對自己「唔上心」。
去到該刻事主都意識到自己一直的行為都做得不好，指自己忍唔住流下男兒淚，之後直言：「我喊或者係因為委屈，因為面子，但大多數嘅係因為我無意傷害左自己最愛嘅人。」，雖然事主自己認為已經毫無保留愛對方，但對方卻未能夠感受得到，直言「好似比人冤枉咁」。
網民：你哋今次真係散硬
不少網民都認為其實重點不在禮物，而是事主失去了作為一個男友應有的責任。亦有網民認為事主今次與女友可以說是「散硬」，認為對方已經十分失望。有網民都指事主與女友拍了兩年拖還不知道對方「愛的語言」，直言「抵死」。
網民撐女友：女仔人家大時大節都希望收到禮物
另外都有網民指其實女仔人家大時大節都希望收到禮物，哪怕是小小的禮物仔，都要有！另一名網民就指送禮只是導火線，指事主講兩句就喊實屬「煩過女人」，直言事主喊的行為是「weak過女人」。
撰文：WM丨圖片：劇照，連登丨資料：連登