天氣開始凍，成個腦都諗住食熱辣辣嘅嘢暖胃！最近，經朋友介紹下，小編就去咗九龍城嘅手工菜館「豪門小菜火鍋」！呢度出名「芝士龍蝦伊麵」、「羊腩煲」，仲有一系列大廚自創嘅粵式手工菜， 全都足料、大份兼美味，真係味蕾大滿足！！🤩
✦ 西澳龍蝦伊麵 (2-4人) HK$420 🍴4.5/5
唔同平時酒樓食開嘅龍蝦芝士伊麵，呢度嘅版本，醬汁係大廚精心用上三種芝士同牛油整調製而成，特別香濃creamy！再外加上活西澳龍蝦，大隻厚肉，啖啖肉，難怪成為佢地嘅招牌菜！
✦ 古法秘製羊腩煲 (2-4人) HK$338 🍴4/5
小編不太吃羊，但同枱朋友都大讚呢款羊腩煲！店家嘅羊腩煲用咗特選藥材包過水去除羶味，先炒香羊皮層再炆4-5小時先完成，羊肉特別鮮嫩細緻，唔會有好重羊羶味。
✦ 招牌自家手打四寶丸 HK$128 🍴4.5/5
食火鍋點可以錯過手打肉丸？今次我哋揀咗招牌四寶丸，包括黃金墨魚丸、墨魚丸、蝦滑及豬肉丸，不塊係新鮮手打，全都爽滑彈牙，口感一流！
✦ 白蘿蔔牛腩煲（2-4人) HK$128 🍴4.5/5
全枱一致讚好嘅牛腩煲！湯底極清甜，帶有濃濃胡椒味，辛口，飲完成個胃都暖晒！白蘿蔔吸哂啲湯汁，牛腩又腍又爽口，邊食邊忍唔住添碗，真係十級推薦！🤪
✦ 獨創豪門卷 HK$88/8件 🍴3.8/5
以港式多士為創作靈感，將脆炸油條釀入手打墨魚膠，再灑上大量黑白芝麻，令成件事更香口。整體外脆內彈牙，係一款滿滿創意又有驚喜感嘅小食！
✦ 人生之路 HK$78 🍴4/5
餸名好特別，食完亦都覺得幾貼題！其實係咕嚕涼瓜！店家將苦瓜代替豬肉，加入甜椒、糖、醋去調製醋汁，食落酸酸甜甜中又帶點苦甘，連不愛涼瓜嘅人都食到，估唔到苦瓜都可以攞嚟整成咕嚕，非常有創意！
✦ 豉椒炒蟶子(加煎米粉底+$45）HK$40/隻 🍴4/5
豉椒調味，令蟶子更鹹香鮮甜！蟶子多肉爽口，最精華仲可配埋底部嘅脆脆煎米粉，食落口感豐富，味道不錯！
✦ 花膠燉雞 HK$58/盅 🍴4.5/5
作你女生，絕對推呢款花膠燉雞，養顏又滋補！雞湯清甜不油膩，又有厚厚嘅花膠，補骨膠原一流！🤩
✦ 椒鹽九肚魚拼鮮魷 HK$108 🍴3.8/5
九肚魚口感有啲似炸豆腐，外脆內嫩滑，好特別！鮮魷則彈牙，富嚼勁！個人覺得淨食會鹹咗少少，較適合配埋啤酒同吃。
✦ XO醬粉絲蒸扇貝(6隻) HK$40/隻 🍴3.8/5
呢款扇貝特別加咗自家製XO醬，扇貝帶點香辣又更鮮味！好鍾意扇貝既厚肉又鮮甜，同蒜蓉、醬油、粉絲同食，好正！
📍店家傳送門：@holmenhk
With：@hkfood_station, @hhazelsdaily, @thousandmiles.journal
✾分類標籤
#daydayfoodie_restaurant
👆ᴿᵉᵃᵈ ᴹᵒʳᵉ
★－:+:－:+:－:+:－:+:－★
🎡味道：4
🎠環境：3
🎪服務：4
🕌CP值：4
（*5為最高分）
★－:+:－:+:－:+:－:+:－★
◌ 豪門小菜火鍋
◌九龍城衙前塱道22號地下
★－:+:－:+:－:+:－:+:－★
🎀 記得like埋我，每日放送打卡好去處！📸