寶珮如（Baby）今天（16日）到新城廣播，接受漢陽主持的《詩歌有Guide》錄音訪問，2人除大談信仰，Baby大爆昔日入行是因為初戀男友駱達華與葉子楣拍戲，自己因呷醋而背男友報名參加亞視舉辦的《第三屆未來偶像爭霸戰》，順利進入30強的她，獲周梁淑怡賞識發掘。
寶珮如指當初得悉駱達華和葉子楣拍戲，自己並不信任男友，她稱：「我想check住佢，佢又唔肯帶我睇佢拍戲，我成日奇怪娛樂圈呢份工，點解佢個袋裏面有牙膏、牙刷、面巾同衫，又要半夜三更返工，當時我唔認識娛樂圈，返工唔係要打卡㗎咩？」Baby表示駱達華得知她報名參加比賽後感驚訝，而自己亦在誤打誤撞下加入娛樂圈。
廣告（請繼續閱讀本文）
Baby在1999年發生車禍以致身體多處受傷及毀容，她最後花了7年做手術及整容，Baby說：「整容科醫生話我當時個樣100分得番40分，我人中啲皮係耳仔皮，做咗植皮，因為我個嘴唔夠肉，要攞耳仔啲肉補落去，醫生話耳仔皮最嫩滑。」
（即時娛樂）