林夏薇獲封民選視后　訂製頸鏈帶來好運

藝人林夏薇（薇薇）今日（16日）以最佳女主角10強候選人身份會見傳媒，提到她近日被網民推為民選視后，她多謝大家並大嗌感動：「我知道有好高票數，得到觀眾嘅認可係對我最大嘅榮譽，不過今年嘅對手好強勁，又好優秀，希望大家有好成績。（為頒獎禮打下強心針？）總之多謝觀眾投票畀我。」

薇薇自言愈近頒獎禮，心情愈緊張：「我喺自己個品牌訂製咗條頸鏈，諗住頒獎禮嗰晚戴，希望為我帶來好運，但條鏈仲未整好，希望可以趕得切啦！（揀咗戰衣未？）揀咗。（性感？）都OK，總之係靚，最重要係尊重個場合，好開心咁去參加盛會。」忙足整年的薇薇指頒獎禮後仍未可以休息，會到馬來西亞出席活動，望之後有空跟家人外遊放鬆下。

東網網站 : https://on.cc/東網Facebook專頁 : https://www.facebook.com/onccnews/