黎彼得指關心周潤發大腿腫脹　慰問提供幫忙方法

74歲的黎彼得近日在YouTube開頻道拍節目《玖噏秘笈》，主力爆娛樂圈所見所聞。最新一集就提到近日周潤發手臂及大腿出現腿如乒乓球般大的腫脹，他指有關心過對方，亦想提供幫助方法。

他在片中提到發哥生活很健康，手腳上的應該不是腫瘤：「發哥呢排隻手有類似腫瘤嘅物體，但應該唔係嘅，因為發哥嘅人生活好正常。」因為當年在澳門拍《我不是賭神》，已見到發哥吃得清淡：「我見到發嫂，佢留我喺度食飯，好似湖北嘅人負責煮佢哋兩個食，我就見到粉絲蝦米，節瓜嗰啲好清淡。我真係見到都唔想食。太健康嗰啲嘢。」

黎彼得指近日在一個飯局中，馬海倫提到周潤發：「你老表，我嗰次同佢行山發現佢隻手有一嚿嚿嘢，不過唔知係咩，我知道發哥呢一件事應該有得處理，不過你知道佢老人家好少出現同我哋傾偈，佢淨係畀一兩個短訊我，都冇乜點講嘢，感覺好多人都關心佢，因為佢係大家嘅偶像。」而黎彼得亦想起梁小龍在深圳有開設健康中心：「應該會幫到佢，嗰度有一嚿類似磁力共振嘅嘢，45分鐘就已經醫得返好隻手一嚿嚿嘅嘢。」其實之前周潤發出席活動時亦有回應傳媒提到手腳上的是皮下脂肪類物體，更說跑步跑得多就會變細。