林盛斌自爆16歲女兒帶男友返家　讚高大靚仔好過自己

林盛斌(阿Bob)除了大量工作停不了，還育有有三女一子，而大女林霏兒更已經16歲開始拍拖。早前阿Bob就在IG出文：「我個女話今晚帶佢男朋友嚟見我。請問有啲咩我要注意？」引來不少圈中好友留言。

湯洛雯就講笑：「入廚房收埋啲刀先。」胡定欣就即問實況：「見完？覺得點？」還有江嘉敏：「笑，保持微笑。」之後阿Bob回應傳媒就指阿女男友都幾高大靚仔，又有禮貌，亦提到只係和他傾偈問問背景，沒有特別為難他。更指當晚他有朋友在家，朋友都讚他大方得體，最後阿Bob更讚該男生肯定比自己16、17歲時好，似乎相當滿意。