情人節2022｜仲有幾日就情人節，單身嘅你覺得呢段時間好空虛、寂寞、好凍？雖然疫情嚴重無得出街識朋友，但而家科技發達，即刻為你推介7款人氣交友APP，等你坐喺屋企都可以識到朋友，唔包成功嘅，但先預祝你情人節快樂～
情人節脫單必睇 7款人氣交友APP推介
1. 速食之選 Tinder
Tinder應該算係香港比較多人認識嘅交友APP之一，左掃右掃輕鬆易用，只要大家都對對方有好感，就可以開始傾計。不過近年唔少人都用Tinder「速食」，想搵真愛嘅你，喺Tinder世界可能要有啲界心先得～
2.女生主導之選 Coffee Meet Bagel
Coffee Meet Bagel呢個App嘅宗旨係「女性優先」，女生從喜歡嘅男生中挑選心儀對象。不過最大缺點係聊天室並唔係永久存在，大約8日內就會消除配對，對於繁忙嘅香港人嚟講，未必日日都會開APP，傾計溝通時間真係唔係太足夠。
3.時裝潮流及女生優先之選 Bumble
Bumble而家又點只係一個交友App咁簡單，Bumble而家連自家品牌流行時裝都有。喺交友方面，同樣女士優先，女會員需要於24小時內開始聊天，然後男會員喺24小時之內答覆，否則配對會失效。呢個行為係保護女性免受性騷擾。
4.求安穩及高質配對之選 Omi
Omi用戶大多25歲以上，工作收入同生活狀態穩定嘅社會人士。不過APP內可以設定搜尋不同年齡層，令配對機率大增～
缺點：同步推出戀人卡配對功能，你要先回答系統嘅問題，若有人答案跟你一樣，就會突然配對成功可聊天，但就睇唔到對方個樣，得張2D圖想點呢？
5. OK Cupid支持不同性取向
OK Cupid每年成功配對9100萬對情侶，而每星期就有5萬位用家約岀嚟拍拖，難怪呢個交友app咁多年都屹立不倒啦！App內加入22種性別及13種不同性取向畀用家選擇。Love is all around you!!!
6.以貌取人之選 Paktor
Paktor 有一個特別嘅相片評比系統，當你睇完人哋張相嘅同時可以對佢張相做評分，對方不僅可以睇到到你like佢嘅相，亦可以決定同唔同你成為朋友chat多幾句。
7.設交友論壇之選 Goodnight
Goodnight比一般交友app特別，就係增設論壇功能，從論壇中搵到你有興趣嘅話題，加入後就可以同其他用戶一齊討論。用戶可選擇一對一或多人聊天室，APP內亦主打「睡前7分鐘」嘅語音交友方式，唔知呢7分鐘你會選擇講啲咩？