Akoya 酒場🍶🏮
｜尖沙咀 樓上有氣氛居酒屋 食材高質有誠意 清爽柚子酒｜
🥳其實間唔中都會想食好d，又或者系一d特別日子、節日既時候有儀式感，去一d 有氣氛，環境放鬆，食物高質既地方享受一餐晚餐慶祝下。🤨宜家香港人甘忙，有時系特別日子真系都幾難抽一日時間出黎慶祝，只系可以食餐飯當慶祝。今次就推介尼間餐廳比大家，無論平時想食好d, 又或者特別節日，都可以黎尼間試下。🥰
😚佢地既環境好舒服，燈光夠曬柔和，溫度舒適。菜單方面種類都好多，有串燒，前菜，主食類，甜品，仲有唔同種類既酒，chill翻晚就啱曬啦。菜單好簡潔，容易睇，用左手繪風，唔錯😚
🍳明太子煎蛋卷
蛋香味好重，蛋味濃郁，煎蛋好軟滑，口感好好。中間夾左好多明太子，明太子味道系剛剛好，鹹度適中，仲有少少辣味，惹味得黎又有濃郁既海鮮味，好鮮，口感仲要幾好。尼個好推介～
🍢串燒
🐮牛腹肉串：預算比較低，唔食和牛既話就可以揀尼個，其實佢肉質都好好，牛脂好足，都有少少入口即溶既感覺，肉質好嫩滑，同時，比和牛，尼個更加清爽，牛味更重。叫尼個一定唔會後悔。
🐮🐮宮崎A4和牛串：尼個真係令我好難忘，令我重拾返係日本食和牛既味道，油脂滿滿，入口即溶，熟度岩岩好，超軟滑，真係令人好滿足，好耐無食過咁好食既和牛！真係食得出係高質食材，大家夠budget真係要試下！
🍢炭火燒拼盤6串：其實尼個菜式都好抵，有6串，通常係廚師自選，但大家都可以講有咩唔食，例如內臟，咁就避開個類型。雞翼雖然唔係話大隻，但皮好薄，肉質係好嫩滑，係出色既雞翼。雞腎好爽脆，配上檸檬汁，更加清爽。免治雞肉串配上日本但，夠曬濃厚，我好鍾意佢既口感，脆脆地既軟骨，鍾意～雞肝好綿密，無異味，仲有陣鮮味，比想象中更有驚喜！雞軟骨比平時雞雞軟骨唔同，佢應該唔係關節位，軟骨易咬得黎夠脆，連住既雞肉都好嫩。不得不提就係雞心，其實無唸過佢會安排雞心比我地，我地亦唔記得左內臟原來係有雞心，但食落軟得黎又保持到微爽脆既口感，調味剛剛好，無異味，食落去，你唔會覺得自己食緊粒雞心。
🍄冬菇串：好juicy, 上面仲有木魚絲，好有日本風味。
🌵其他燒物
🤩海膽汁燒蠔：總共有4隻，蠔就已經炸到微脆，上面就淋有海膽汁，仲要鐵板上，我只能講，太邪惡了🤣蠔同海膽都好新鮮同creamy, 海膽味超濃郁！
🤩燒帆立貝：尼個都係必食推介，必點！佢好新鮮，係真鮮甜。鐵板上有海鹽，上面就係大大既帆立貝，仲有火係下面燒住。粒牛油就慢慢融化。帆立貝真係好好味，仲有微微既牛油香，真係好有衝動飲曬帆立貝殼上面既汁。大家一定一定要試下。
🤩豚軟骨山葵燒：豬軟骨既脂肪比較多，但配上洋蔥絲同椰菜，同埋wasabi, 油脂感就可以比較低。佢同我地平時米線既豬軟骨唔同，味道都想差好遠，係日本既風味。
🍝雞湯卡邦尼拌烏冬：尼個菜式真係好邪惡！有隻溫泉蛋，再加上佢個汁好濃厚，完全掛住，每一條烏冬都沾滿曬。芝士味好重。佢仲有好多大大粒既煙肉，鹹香味好出，佢屬於比較半肥瘦。
🍥甜品：
🍨鹽味雪糕：羊先生就好鍾意，好濃厚牛奶味，鹽味剛剛好，唔會太重手，作為飯後甜品真係夠曬refreshing!
🍮豆奶布甸：尼個我就好鍾意，本身甜度比較低，但食得出淡淡既豆香，配上上面既蜜黑豆，整體甜度就剛剛好啦。清清地都幾好。
🍹飲品：
🍶柚子酒：今次係我第一次飲柚子酒，本身都幾鍾意梅酒。只能說，大家可以試下，特別係女仔，唔係太飲酒都可以飲到。比起梅酒，佢更加refreshing, 柚子既清香加上酒，又真係好夾。
🥤可樂
📍Akoya (尖沙咀)
尖沙咀寶勒巷10號3樓