香港5大懶人GLAMPING熱點推介！露營車/蒙古包預訂無難度 設備齊全又豪華

自從疫情開始，大家放假可以去嘅地方變得少之又少。除左選擇去酒店staycation梳乎一下，到郊外Glamping亦成為了不少年輕人的熱門活動！如果想親親大自然，夜晚又想近距離欣賞星空，今次小編就為大家精選了5個懶人露營熱點，全部設備齊全之餘，更有美景可以打卡影相～各位如果仲未試過露營嘅話不妨去試試新體驗啦！

圖片來源：holimood、IG@parknaturehk、k12.1、voyagertt、joman316、jkclub_hk、yausum_tribe、FB@白泥生態保育農莊｜撰文：Candice

香港懶人Glamping熱點推介1. 元朗Park Nature

元朗錦田ParkNature主要提供高級露營車，當中嘅大草地可以比小朋友放電！

佢哋嘅露營車十分寬敞，有兩房一廳+浴室，更設有三面大窗，客人夜晚可以訓係床上觀星，超級chill又浪漫～

天窗超大，無論日頭定夜晚打卡都超級夢幻！

除左露營車係大片草地都一樣得，完全滿足到大家想同時glamping+camping嘅願望！

地址：元朗錦田逢吉鄉沙埔村泰Cow餐廳旁

電話：9694 2233

官網：https://www.parknaturehk.com/

香港懶人Glamping熱點推介2. 長洲西園

西園係香港人氣極高的Glamping營地，從長洲碼頭步行約20分鐘即可到達。他們提供5個主題營區，包括蒙古包、南非營區、印弟安營區等，而獨立營則多達40多個。

除左可以親親大自然，觀星同近距離見到可愛嘅小動物～ 營內仲有有不同嘅玩樂設施同歷奇體驗，例如沿繩垂降體驗，草地障礙弓防箭等等。

當中最受歡迎的觀星圓拱屋，留在帳篷內更可以欣賞到海景以及日出日落。

地址：長洲西灣 DD CC Lot 12 西園

電話：2666 9556｜2666 9557

官網：https://www.saiyuen.com/zh-hk

香港懶人Glamping熱點推介3. 大嶼山海迎灘 

位於大嶼山長沙嘅海迎灘設備比其他營地更豪華！露營車中已配備雙人床、冷氣、電視、雪櫃、wifi以及小廚房。營地還有提供搖搖床、沙灘椅、小童平衡車！

一打開露營車門就見到超廣闊草地同長沙絕美的海岸景色，令人有置身外地的渡假享受，超適合打卡！

場地亦設有其他休憩區域，就連梳化都設計得超有度假感～

日落時去到海邊打卡，仲可以影到成個鹹蛋黃，超有feel！

地址：大嶼山嶼南道57號

電話：9060 6220 

官網：http://welcomebeach.com.hk/

香港懶人Glamping熱點推介4. 大嶼山貝澳露營車會

貝澳露營車會位於貝澳泳灘旁邊，係香港網上打卡率很高的營地。背山面海環境優美，而且交通也非常方便！

最吸引人嘅係步行到沙灘踏浪，看日出日落也只是幾步之遙。營地旁邊更設有小農場，可以來餵白兔和小羊，訪客也可以帶自己的寵物一同入住，可以說是懶人首選！

地址：​大嶼山貝澳老圍村20D

電話：9441 6025

官網：https://www.jkclub.com.hk/

香港懶人Glamping熱點推介5.白泥生態保育農莊

白泥生態保育農莊佔地超過10萬呎，係香港嘅自然及野生動物保護區。營地位於元朗流浮山，大家可以自己駕車直達營地！

另外亦可以租用燒烤爐，營地設有共用冰箱，附近有唔少釣漁場同農莊，超級方便！

如果帶埋小朋友去，場地仲有領袖訓練, 激箭, 泡泡足球等活動可以一齊大玩特玩，岩曬一家幾口去放電～

地址：元朗流浮山上白泥村154號

電話：97591131

官網：http://naturalgarden.hk/