勁騎26｜Alton半裸曬肌 載沈殷怡兜風 網民笑「德仔自肥企劃」

由MIRROR成員王智德（Alton/王勁）主持的ViuTV節目《勁騎26》，今晚（4日）播出第8集，向來是隊中「肌肉擔當」及「主持擔當」的Alton，在預告片中見他裸上身騷肌兼拗手瓜，今晚還有沈殷怡、曾參加《全民造星IV》的Alice（許寶恆）和Sica（何洛瑤）亮相節目，Alton更揸電單車載沈殷怡周圍去，艷福不淺，難怪有網民搞笑留言：「今集主題係《德仔自肥企劃》」、「今集王勁飾演肌肉版結他他老伯」、「今晚個集會唔會係導演仔嘅自肥狂想曲？！而王勁仔就順理成章做埋開心仔？」

昨晚（3日）播出一集，Alton則化身外賣員，嘗試揸電單車送外賣，跟專業騎兵外賣鬥送外賣，過程充滿笑料，勝負高下立見，不過Alton的表現獲網民讚賞：「王勁敬業樂業，做咩都咁投入，佢嘅說話節奏同語調，加埋長期笑笑口，真係好入屋。平時成日叫外賣，都唔知外賣哥哥姐姐咁辛苦，唔該晒」、「越來越鍾意Alton，感覺良好」、「Alton曾經送外賣經過我屋企樓下，點解唔係送嚟我屋企？」

（即時娛樂）