《I SWIM》負評如潮 導演馮志強承諾檢討：逆境賽令我哋更加團結

ViuTV劇集《I SWIM》前晚播出大結局，負評如潮餘波未了，不少網民批評劇情後半部分大暴走，結局更是草草收場，尤其ANSONBEAN的出場只是為電影版鋪路，網民則建議不要拍電影版。《I SWIM》結局後播出，一眾演員在Facebook開直播，監製兼導演馮志強中途加入，不少網民反應激動而派嬲，馮志強未有正面回應網民質詢，最後深夜在IG寫長文表示會檢討，又指逆境賽令我哋更加團結，依然未答會否開拍電影版。

馮志強深夜在IG寫長文發表感受，直指他知道反應兩極。「有啲瘋狂咁鍾意，又叫又笑又喊，有啲係另一種極端、刀片、惡語都有，有關心我嘅朋友勸我唔好出現Fb live， 怕好易有人派嬲，又或者容易被抽幾句出嚟放大討論，但我從來無諗過唔出現，一來我只係普通人唔會有咁嘅影響力，二來我好想陪住班演員完成埋I SWIM呢趟旅程嘅結尾，我亦相信及有信心香港觀眾都係理性討論。」

他感謝觀眾選擇看《I SWIM》，直言是劇組的福氣。「可能電影真係比較習慣一氣呵成，無試過睇下又討論下，今次都係一個好好嘅體驗，多謝每一位收看嘅觀眾。」他表示收到各方不同的訊息，並且承認責任。「有部份批評嘅，我地會積極注意同檢討，另外亦都得到好多好耐無聯絡嘅朋友、一啲唔太熟、甚至唔認識嘅前輩佢地嘅鼓勵同支持，話佢哋好耐無試過日日坐定定喺屋企追劇。」

他未有正面回應網民多項質詢，例如為何加插大量與劇情無關的情節、無關痛癢的愛情戲，甚至還會否拍電影版等等，卻說很多同行、導演、監製問他有關演員的名字。「希望各位導演可以留意香港呢班新演員，仲有香港嘅幕後團隊，比更多嘅機會佢地。」

他又表示：「世界好大， 疫情、戰爭、天災人禍，《I SWIM》能夠喺短短兩星期得到大家嘅關注同討論，有一個渠道比大家享受、打氣或宣洩，都係我哋嘅一種福氣。由一開始，我知道呢場會係一場逆境賽。時間、資源、疫情，樣樣都係挑戰。但我好多謝各位演員及幕後嘅信任，好榮幸可以同各位一齊完成呢個目標。借用戲中黃亞樂的一句對白，逆境賽，令我哋更加團結。謝謝。」