羅馬教練摩連奴最近參加前車路士中場米基爾The Obi One Podcast節目嗰陣講到沙拿同迪布尼離開車路士，摩佬就話「大家都話係我放走沙拿，而事實就啱啱相反，其實係我要求球會簽沙拿，沙拿之前係巴素利嗰陣就已經想加盟利物浦，為咗令佢加盟車路士，我打咗場仗，仲要發動戰爭😂。」
摩佬又話「作為一位車路士球員，你必須要表現自己，或者你需要等待機會，但係沙拿唔想等，想被球會租借出去，之後車路士係某個時刻決定賣走佢🙃。」
廣告（請繼續閱讀本文）
呢位葡萄牙🇵🇹教練仲話「當初，我同車路士講過唔好借走迪布尼，我希望迪布尼留喺我身邊，並且以正選身份開始英超球季。而我哋作客對住曼聯第二場英超比賽，迪布尼坐喺後備席，只係踢咗幾分鐘，迪布尼覺得上陣時間唔夠，所以就想離開車路士🫠。」
摩連奴最後就話「如果球員想離開球隊，咁就比佢走啦，因為會有另一位加盟，兩位職業生涯證明佢哋決定係啱，我都知道有人話係我趕走佢哋，但係佢哋一定唔會咁樣講😎。」
▼ Follow Football.jai 足球仔
Facebook: https://www.facebook.com/football.jai
Instagram: https://www.instagram.com/football.jai/
廣告（請繼續閱讀本文）