廣告（請繼續閱讀本文）
藝人蔡宛珊近年雖然專注於司儀界發展，但模特兒出身的她依舊未有放軟手腳，勤做運動保持美好身段，故此身形均勻十年如一日，令人相當羨慕。她日前在社交網晒發文跟粉絲分享經歷，寫道：「尋日我喺健身室，準備離開嘅時候，一個着住Hoodie嘅女仔走到我面前同我講：『我想同你講，You look really great！』我好驚訝，受寵若驚！當時我只係用最燦爛嘅笑容回應Thank you Thank you（我重複咗10次）。」她指當刻太突然，離開後才發現想跟對方說的：「多謝你，你內外都很美！多謝你嘅善良。我好開心。」
廣告（請繼續閱讀本文）
她表示今次經歷令她想起一件事：「無論幾時我哋見到其他女仔，即使是陌生人，如果覺得佢好靚，就話畀佢聽啦！！！話畀佢聽佢個髮型好好睇、佢對眼睛好靚、佢條裙着得好好睇..話畀佢聽啦！同佢講，佢係超正嘅！咁樣係一個好好嘅方法，令我哋可以互相傳遞愛與正能量，特别係喺我哋女性之間。我哋應該為彼此打氣！加油！」她又再次感謝那位稱讚她的女生，因她的一句稱讚說話，令自己一整天都變得更美好！
東網網站 : https://on.cc/東網Facebook專頁 : https://www.facebook.com/onccnews/
reLax♀♂DonTdo_it 普普通通啦。
去尖咁耐，見過大把練得好好嘅女仔。
1天前
顯示全部