琴晚係TVB台慶嘅大日子，一眾台前幕後人員都出盡力表演，而講到最驚喜一定係節目尾聲鄭伊健登場，令成晚台慶生色不少！
喺介紹鄭伊健出場時，麥明詩話：「我細細個就聽佢嘅歌大。」而另一位司儀余德丞就話因為佢而做兒童節目喎！
鄭伊健登場即唱《直至消失天與地》，然後再唱《一生愛你一個》，最後仲同周柏豪一齊合唱《古惑仔》主題曲《友情歲月》添！
廣告（請繼續閱讀本文）
廣告（請繼續閱讀本文）
當《友情歲月》前奏一響起，全場藝人都忍唔住起哄！其實喺伊健唱前面兩首歌嗰陣，大家都已經揮手做晒小fans㗎喇～楊卓娜仲拎埋手機出嚟影相添！
廣告（請繼續閱讀本文）
而唱到《友情歲月》，伊健就叫大家起身，浩南哥叫到，各位小生花旦都即刻和應，令全場氣氛去到最高點！
周柏豪完騷之後都po咗浩南哥嘅合照，仲留言話：「陳浩南與樂少鋒」
而節目後，伊健表示電視台有好多舊朋友，返嚟聚下舊，問到佢會唔會再拍劇，佢亦話可以傾下，最緊要係睇劇本。
睇嚟浩南哥真係大家心目中嘅偶像啊！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）