早前Eason陳奕迅同徐濠縈嘅獨女康堤，被周刊影到同男朋友仔十指緊扣，Sweet Sweet 一齊拍拖行街。今日（21/11）徐濠縈出席公開活動，心情超靚！被問及對囡囡拍拖有咩睇法，阿徐表示一早已知道康堤拍拖，仲話：「都已經中三，有鍾意嘅人好正常！」
撰文：Joanne 圖片：東方新地、徐濠縈ig
一早就知 冇嚇親
廣告（請繼續閱讀本文）
Eason同阿徐由拍拖到結婚，一齊經歷咗22年，唔覺唔覺，康堤都14歲喇！大個女，最近仲被周刊影到有個男朋友仔，仲成個「嫩版彭于晏」咁款！
今日（21/11）阿徐出席公開活動被傳媒包圍，問佢對康堤拍拖有咩睇法。阿徐心情勁靚表示，有好多朋友都有send 報導畀佢睇，佢亦都冇嚇親，因為佢一早就知康堤拍拖，仲話傳媒竟然咁叻收到風，因為個女唔畀嗲Daddy Mummy睇佢打波，連喺邊度比賽，佢哋都唔知因女兒。
廣告（請繼續閱讀本文）
阿徐亦都話，康堤已經讀中三，呢個年紀拍拖，同有鍾意嘅人都好正常。仲讚個女嘅男朋友仔都幾靚仔，康堤同佢一樣咁有眼光。希望傳媒朋友錫住佢哋，始終對方唔係藝人，學生哥都唔習慣上鏡。
廣告（請繼續閱讀本文）
做媽咪嘅亦都要為個女着想，所以成日都提醒康堤要小心，唔好着校服去拍拖，喺公眾場何要檢點啲。