昨晚元朗港鐵站發生白衫人入車廂追打黑衫人，不少藝人及亦在社交網絡發聲，而曾經住在元朗區的森美，今早在《早霸王》節目泣不成聲，「今日的節目，請原諒我的不專業，我唔可以做返平時嘅環節，我心裡面有種擔憂，（森美開始飲泣）對於我哋嘅香港，我有好大嘅憂慮，我開始有少少唔明白究竟每個人嘅身份應該做啲乜嘢，先能夠令香港變返香港，我希望香港每一個都努力。」接着節目播出陳慧敏首《沉默之間》。
廣告（請繼續閱讀本文）
播完歌後，森美再向聽眾致歉：「喺我哋嘅生活當中都需要一個好安定嘅社會，先可以正常生活，喺今日個節目當中，可能我嘅情緒唔係太穩定，同大家講聲唔好意思，呢個情況之下希望盡量用唔同嘅音樂播俾大家聽，減少對大家嘅影響。」森美今早亦在社交平台貼文：「元朗 香港 到了昨晚 不一樣了 我應當做什麼？ 香港才會是香港 我迷惘 擔心 恐懼 不知所措 應該不止我 你也和我一樣吧！」
廣告（請繼續閱讀本文）
而一向敢言的黃秋生，昨晚在社交網貼文：「警察請問良知？」不少網民都留言「0」。秋生以短訊回覆傳媒：「黑社會管轄嘅地方，冇警察嘅地方，冇王管嘅地方，無政府嘅地方。我係唔會去嘅。不過今次，黑社會證明佢哋嘅力量大過政府。好快就收佢皮。有乜可以大過國家嘅力量？你地方獨立呀？佢哋有地方武裝。死得！元朗獨立。元朗黑社會今次乞人憎。除非佢地真係自治元朗啦。政府想收你丁權好耐，今次啱哂。元朗抗日，想唔到今日咁契弟，打自己人。」
撰文：機
HK 有良知藝人
2019年07月22日07:02
Lau， Eddie 一開始強力指責暴力，就唔會有昨天的事情發生！
係邊個用不同理由去合理化暴力，至使情況演變至今天景況。
有譴責過暴力的人，不該流淚而是憤怒，憤怒那些人顛倒是非，引致今日以暴易暴的景況！
相信香港仍是法治的人，不會擔心或懮慮，今日的暴徒在未來兩三年一定會被檢控的！
2019年07月22日08:27
JoeYau 黑幫黑警組合，尚有幕後指揮，看看香港經濟及民心能維持多久?
2019年07月22日07:17
雙重標準 ！
2019年07月22日07:52
James liu 暴徒可有良知？
2019年07月22日08:00
顯示全部