今個周末，拍拖活動去哪裏好呢？每星期都是行街食飯看電影太沒新意吧……但去酒店hightea或是去一趟短旅行又略嫌太貴；留在家中纏綿一整天又好像浪費了假期，怎麼辦好？沒有頭緒小編就為你推介十個低消費拍拖活動，既慳錢又浪漫，絕對是情侶拍拖好去處！
拍拖活動一：草地野餐
草地野餐不知吹了甚麼風，香港人竟然愛上了草地上野餐。以往草地生人勿近，到了現在各區都有靚草地，維園添馬彭福佐敦谷西貢。尤其買野餐裝備食物豐儉由人，幾十元買張野餐墊一世適用，平食可買果占麵包薯片梳打餅，貴食可買sushi、champagne、parmaham，最重要是hea到幾時都可以，隨時出發優哉悠哉，打卡影相通常都有可觀的like數，真正低消費高回報。
拍拖活動二： 香港沙灘
沙灘夏天逼近，到香港沙灘剝晒衫褲剝晒鞋是理所當然。喜歡游水的去濕身，喜歡曬太陽的去日光浴，最好是可以騷身材，著新買的靚靚比堅尼。男人必定歡喜啦，有女可睇，但姊妹們何嘗不是攞正牌睇仔。嘩，肌肉男大隻仔呀，最起碼都有個救生員啦，各取所需啫！
拍拖活動三：行山做運動
做運動兩個人約會，出一身汗當然不錯。不一定要床上激戰，室外運動也是好選擇，跑跑步、行行山又可以keepfit。其實香港有唔少路線短、難易度低的行山路線，輕輕鬆鬆就完成4-6公里行山路線！
拍拖活動四：行市集
行市集近年市集特別多，PMQ港島西石硤尾差不多每星期都有，就連觀塘牛頭角等工廠區也有樓上市集，DIY特色手作仔很多花款，至少沒有大媽大叔師奶阿嬸和你逼，而且一定平買到心愛小物，好過逛商場吧。
拍拖活動五： 一次性興趣班
一次性興趣班提到工廠區，不時都有周末興趣班，以前興artjamming、整蛋糕，現在有整皮具、整木椅、整macaron、整天氣瓶等等……男女皆宜，過程中兩口子互相幫助又有回憶留下，還有實物帶走，一個下午霎眼就過去，多充實！
拍拖活動六：去畫廊
就算下雨了也不要緊，室內好去處不妨去藝術畫廊感染一下藝術氣息，當一天文青！無論是攝影作品、裝置藝術，或是畫作都應有盡有，最重要是畫廊絕對是打卡好地方！空曠地方配上各式各樣藝術品，頗有Feel的！
拍拖活動七：睇show
睇show既然去了工廠區，記得周圍看看甚至不忘拿傳單留意附近動向。很多現場bandshow都會期間限定，不用理會是否好聽，一個價錢聽歌附送飲品，超值！更有品味的，要留意fullcup、backstage、hiddenagenda等等出名地方，絕不後悔。
拍拖活動八：時租廚房
很多女生都不甘被男友稱自己為地獄廚神，好想做個入得廚房、出得廳堂的女人，但又沒有小天地可以煮飯仔，為自己平反！幸好香港都有不少cooking studio 提供時租廚房，空間舒適，所有廚具、餐具一應俱全，適合情侶「撐檯腳」，是另類拍拖好去處！
拍拖活動九：坐電車
坐電車愛靜態的你，不愛文字和藝術的你，看風景啦。坐電車平到呢，免費風景，有景有風吹吹送，有多久沒試過平靜自己，慢活過日子？再說，電車路的景觀，今次看完下次未必再有，要珍惜呀。而且，樓上某些位置可給男友暗地手多幾下，不能明顯不能猖狂，偷偷摸摸就足夠。
拍拖活動十：睇日落
香港日落美景總是有一種令人難以抗拒的魔力，也是情侶拍拖必備免費節目！香港城市風景的日落景色亦都十分令人著迷，要是想不到拍拖好去處，單是約另一半去看日落已經夠浪漫！
**Follow us on:
- Facebook: CosmoHK
- Instagram: @cosmopolitan_hk
- YouTube: CosmopolitanHK**