廣告（請繼續閱讀本文）
數到夏日消暑美食，梗有雪糕雪條份，而且用料色澤都以時令食材及繽紛鮮艷色彩為主，但日本樂天今年反其道而行，全新推出嘅夏日新口味雪條「謎のスイカバー」西瓜味雪條就黑過墨汁，每條盛惠108日圓，約HK$7.8。
話就話用西瓜炮製，外形呈三角形，但成條黑鼆鼆，只係底部「果皮」那部分係紅色。成支雪條一如既往用上5%果汁製作，而黑色「果肉」內更藏有朱古力粒扮果核，至於點解係黑色？官方就話用上可可類食用色素製作咁話（乜可可唔係啡色嘅咩？）。
有網民搶試後直言，「果肉」部分其實同平時食開嘅西瓜雪條無乜分別，咬到「果核」嘅朱古力粒帶嚟脆卜卜口感，至於「果皮」，就有唔少網友話似足細個飲嘅「咳水」口味，果然有驚喜！
廣告（請繼續閱讀本文）
東網網站 : https://on.cc/
東網Facebook專頁 : https://www.facebook.com/onccnews/