TVB節目《東張西望》每個星期連播足七晚,除咗加強節目內容,仲加入咗唔少靚女做主持,而日前主持阮嘉敏(Mandy)去到屯門公園採訪大媽同阿伯阿叔大跳貼身辣舞嘅情況,身穿黃色吊帶背心的Mandy搵途人街坊做街訪,期間就被阿叔陳先生狂𥄫心口,片段出街後引起網民熱議!
撰文:W 圖片:Instagram、電視截圖
阮嘉敏《東張西望》採訪大媽跳辣舞
《東張西望》喺周六播出嘅一集,就講到屯門公園近年有不少衣著打扮性感、身穿緊身衣的大媽於公園內大跳辣舞,而圍觀的人士會付20元至100元不等的打賞,仲有阿叔阿伯上前貼身共舞,唔止影響公眾人士使用公園設施,仲有賣弄色情之嫌!
班大媽身穿短裙小背心大跳辣舞,甚至請阿叔阿伯一齊跳貼身舞,睇完跳完仲會打賞,離晒譜!
訪問阿叔被𥄫心口
著住黃色小背心嘅Mandy先後訪問多位屯門街坊,而訪問到公園常客陳先生時,佢直言會向大媽大派利是:「開心咪派下囉!唔開心咪唔派!(你每日派幾錢利是?)冇定,可能2、3百又唔定,派4、5百又唔定。」
Mandy續問陳生點解會派利是畀佢哋:「習慣咗,派咗好多年喇喺度。(有咩驅使你會畀錢佢哋?)因為識得耐囉,同埋有交情囉,我哋落去好多時都有啤酒飲。佢見到我嚟,俾啤酒我飲,我咪畀返封利是佢囉!」不過唔少觀眾留意到陳生喺短短半分鐘嘅訪問內,狂𥄫Mandy心口4次!
有網民留言:「阿陳生…你𥄫夠人地個心口未呀?」,但也有觀眾指Mandy衣著暴露,無非想借此出位!但Mandy事後接受傳媒訪問話有朋友send條片畀佢睇,佢都覺得咁嘅情形會尷尬,佢表示原本當日係做一個生日會訪問,因為工作調動才臨時做屯門公園採訪,佢仲話以後會帶定外套或者多一套衫,以備工作需要!
有片睇:
被指衣著暴露
其實阮嘉敏喺《東張》嘅衣著打扮都唔係第一次成為討論焦點,之前都試過被指衣著太暴露!事緣早前更有菲律賓籍女行山客失足由30米高瀑布頂,飛墜水潭底重創身亡。女主持阮嘉敏和攝製隊約埋山藝教練走訪意外現場一帶,揭露隱藏嘅奪命陷阱。
當日阮嘉敏穿上螢光粉紅色露腰Sport bra,加上灰色緊身運動褲,身材相當突出。
阮嘉敏除了訪問行山人士及專家,也嘗試攀爬山澗,期間底褲形狀現形。
節目播出後,有觀眾將畫面截圖放在 Facebook 群組「將軍澳」發帖,留言指:「《東張西望》畀個外派主持著到咁樣去訪問,請問呢個係色情節目嗎?不如改個節目名再轉埋播放頻道啦。」還加上hashtag 「性在有訪問」。
網民熱議衣著
帖子一出引來網民熱烈討論,有網民認為她阮嘉敏這打扮行山不合適:「點解我行山冇見過人咁樣著,成個肚兜咁分明博出位。好心佢,行山做採訪使唔使著成咁,想搏出位但冇嘢睇,夾硬露啲嘢畀大家睇咁。」、「恥骨都現埋真係好痴(黐)線,成人節目咩,屋企人都話:條女著成咁既。好有機心,次次見親佢訪問都係咁。」、「唔怪得老公咁專心睇電視唔食飯,應該最少9成男人忘記主持講乜。」、「發覺依家啲女成日咁著,上身成日透視Shirt、深色Bra見肉,下身緊身褲同鮮色底褲,件衫仲要露腰,照鏡見唔到走光?時代變,以前啲女著衫露bra帶都會遮返,但而家擺明想比人視姦。」但也有大部分網民認為樓主小題大做,指主持人夏天著長衫長褲行山中暑,網民一樣鬧,又話未見過有色情節目會著得咁保守咁話!
阮嘉敏港姐出身
阮嘉敏Mandy係港姐出身,喺2016年佢以25歲之齡參選港姐,當年更與馮盈盈齊齊被視為大熱,可惜最後10強止步。落選後她參加藝員訓練班加入TVB,更在2017年開始擔任《東張西望》的外景主持。
阮嘉敏 着貼身背心訪問阿伯
在早前播出的一集《東張》,阮嘉敏穿上貼身入膊背心露出纖腰訪問阿伯,網民大讚她身材玲瓏浮凸好誘人。
睇番當年Mandy參選港姐嘅相,樣子甜美好有鄰家女孩feel,雖然三甲不入,但仍被安排拍劇及做主持,難怪唔少巴打睇好佢!
除了在《東張西望》出鏡,Mandy先後在7套劇集中客串出演過,亦有不少綜藝節目的演出機會,例如在上年的《美女廚房》中擔任其中一位美女學徒。由於近年出鏡及演出機會大為增加,唔少巴打話佢有潛質彈起做新一代花旦!
灣仔強 篇野變左個人宣傳post, 掛羊頭賣狗肉,垃圾新聞,垃圾傳媒。
2019年06月10日08:11
傑 咁都叫暴露😂使唔使夏天著羽絨出街丫
2019年06月10日11:20
M 香港人就嚟連著咩審要俾網民審批咗先
2019年06月10日09:50
李夫人 講真,我真係冇見過人咁樣著去行山,跑步就多,但佢件粉紅背心亦唔似係運動服/運動bra.....
2019年06月10日09:33
Kee 大驚小怪,運動甘著好普遍
2019年06月10日18:21
顯示全部