葵涌邨晚上發生因貼文宣被捕事件，十多名青年在連接曉葵樓和葵涌商場之間的行人天橋貼文宣期間，遭警截查及拘捕，居民圍觀期間與警員指罵，引來防暴警支援。現場人士指，事件中最少8男7女被捕。
葵青區區議員梁錦威晚上在Facebook直播葵涌邨衝突，片段中警方拉起封鎖線截查十多名青年男女，附近有以膠桶盛載的膠漿、剪刀等工具。片段中有警員表示，會以涉嫌刑事毀壞罪拘捕他們，圍觀街坊不滿，又指責警員沒有戴上口罩，雙方對罵期間一度有約20多名防暴警持盾到場。
廣告（請繼續閱讀本文）
梁錦威向《立場新聞》表示，警方在晚上近8時將被捕者帶往葵涌警署，正聯絡義務律師協助。他認為警方因貼文宣而作出拘捕，是不合理做法，過程中更與街坊互罵，表現不專業，「有家長只係想解釋返小朋友點解落來，或者想遞個口罩畀佢哋，啲警察都唔理。」
至晚上8時許，警員收隊離開現場，有街坊留在現場討論，有人指事件是因附近保安報警。行人天橋上遺下不少新的文宣，不時有街坊駐足細閱。附近街坊黃先生表示，「兩、三個月無見過呢啲（文宣）啦。」他說，這個位置過去不時會有人貼文宣，以前都不會特意去看，疫症開始後天橋「乾淨」了一段時間，到今天再出現，「如果唔係呢場疫症，呢場運動睇怕唔會停。」
廣告（請繼續閱讀本文）
守護言論與新聞自由。立場新聞，寸步不退。
每月贊助支持立場新聞
BEN 犯法被捕好正常
2020年02月24日16:13
Lynn 捉得好，除曬佢哋的口罩，解回警署。
2020年02月24日14:17
Yolky 家佢老味個長咩，係做人老豆老母既，咁既時勢叫仔女讀多兩本書好過啦，有人性都唔應該再叫細路做呢d野，香港都就黎要衰返三五年啦，係咪真想佢地第日要乞食呀？？
2020年02月24日16:29
George 相比以往，呢次係非常之和平嘅對恃。
至於派幾多警察到場，係根據以往嘅經驗，萬一失控再調派就已經係失控。
聽到有位女士不停話「蝦細路」，如果係65歲或以上嘅長者出來貼連儂牆又會唔會被話「蝦老人家」呢。究竟係幾多歲至幾多歲嘅範圍出嚟貼連儂牆警察出嚟執法先至係啱嘅呢 🤔
至於點解要執法，係咪葵涌邨講到明係可以隨便自由貼連儂牆嘅呢 🤔 那警察來執法又有何不對 🤔
警方今次只係跟程序，見唔到「濫暴」，不過時間真係拖得太長喇。
圍觀嘅市民當然對警察有不滿，一個人開聲就自然有人和應。再用粗口勢必要警察鬧番轉頭唔收科為止咁嘅樣。
到警察最後收隊，所有市民就馬上大鬧特鬧，務必要警察返轉頭咁嘅款。隱約聽到記者話「究竟係邊個挑釁緊邊個呢」🤔
希望真係有「真係有心」為香港好的人建設一個好的香港，唔好只係大聲不停鬧一啲「無建設性」嘅粗口 🙏🏻
2020年02月24日19:26
J J 垃圾，死心不息
2020年02月24日16:27
顯示全部